ટંકારાના લજાઈથી હડમતીયા જતાં રસ્તા ઉપરથી તમંચા સાથે એક શખ્સ પકડાયો
Morbi Today
મોરબી નજીક કાર ચાલકે એક્ટિવને હડફેટે લેતા સર્જાયેલા અકસ્માતમાં ઇજા પામેલા યુવાનનું મોત
SHARE
JOIN OUR GROUP
મોરબી નજીક કાર ચાલકે એક્ટિવને હડફેટે લેતા સર્જાયેલા અકસ્માતમાં ઇજા પામેલા યુવાનનું મોત
મોરબીના રાજપર નસીતપર રોડ ઉપરથી યુવાન એક્ટિવા લઈને પસાર થઈ રહ્યો હતો ત્યારે કાર ચાલકે તેના એકટીવાને હડફેટે લીધું હતું જેથી અકસ્માતનો બનાવ બન્યો હતો જેમાં યુવાનને માથામાં અને શરીરને ગંભીર ઇજા થતાં પ્રથમ સારવાર માટે મોરબી અને ત્યાંથી વધુ સારવાર માટે રાજકોટ લઈ ગયા હતા ત્યાં સારવાર દરમિયાન તે યુવાનનું મોત નીપજયું હતું જેથી કરીને હાલમાં મૃતકના કાકાએ કારચાલક સામે ફરિયાદ નોંધાવતા પોલીસે આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબીના રાજપર ગામે કાકા ઓઇલ મીલની સામે કિશન પાર્ક સોસાયટીમાં રહેતા રમેશભાઈ બાબુભાઈ ગરચર જાતે બોરીચા (૩૬)એ હાલમાં કાર નંબર જીજે ૩૬ બી ૫૬૫૫ ના ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, તેનો ભત્રીજો ભાવિનભાઈ જીવાભાઈ ગરચર રહે. રાજપર કિશન પાર્ક મોરબી વાળો નંબર પ્લેટ વગરનું નવું એક્ટિવા લઈને રાજપરથી નસીતપર જવાના રસ્તા ઉપર તળાવની સામેથી પસાર થઈ રહ્યો હતો ત્યારે કાર ચાલકે તેના એકટીવાને હડફેટે લીધું હતું જેથી કરીને ફરિયાદીના ભત્રીજા ભાવિનભાઈ ગરચરને માથામાં અને શરીરે ઇજા થઈ હોવાથી તેને પ્રથમ સારવાર માટે મોરબીના સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યારબાદ તેને રાજકોટની ખાનગી હોસ્પિટલમાં સારવાર માટે લઈ ગયા હતા જોકે સારવાર દરમિયાન તેનું ગત તા ૧૦/૧૧ ના રોજ મોત નીપજયું હતુ જેથી કરીને હાલમાં મૃતક યુવાનના કાકા રમેશભાઈ ગરચર દ્વારા કાર ચાલક સામે ફરિયાદ નોંધાવવામાં આવી છે જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે
