માળીયા (મી) તાલુકામાં યુવાન અને તેના બે સંતાનોના મોત નિપજાવનાર અજાણ્યા વાહન ચાલક સામે ગુનો નોંધાયો
Morbi Today
મોરબીમાં માથે હેલમેટ પહેરીને પાર્સલ દેવા જતાં યુવાનનું ડમ્પર ચાલકે માથું કચડી નાખતા મોત
SHARE
JOIN OUR GROUP
મોરબીમાં માથે હેલમેટ પહેરીને પાર્સલ દેવા જતાં યુવાનનું ડમ્પર ચાલકે માથું કચડી નાખતા મોત
મોરબીના જેતપર રોડ ઉપર આવેલ સોમનાથ પેટ્રોલ પંપ પાસેથી જમવાનું પાર્સલ દેવા માટે જઈ રહેલા યુવાનના બાઈકને ડમ્પર ચાલકે હડફટે લીધું હતું જેથી કરીને અકસ્માતો બનાવ બન્યો હતો અને યુવાને માથામાં હેલ્મેટ પહેરેલું હતું તેમ છતાં પણ તેના માથા ઉપર ડમ્પરનો વ્હીલ ફેરવી દઈ માથામાં ગંભીર ઇજા કરીને તે યુવાનનું મોત નીપજવ્યું હતું અને આરોપી પોતાનું ડમ્પર સ્થળ ઉપર છોડીને નાસી ગયો હોય હાલમાં ભોગ બનેલ યુવાનના કૌટુંબિક ભાઈએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરે છે
બનાવની જાણવા મળતી માહિતિ મુજબ મૂળ રાજસ્થાનના પાલી જિલ્લાના રહેવાસી અને હાલમાં મોરબી નજીકના રંગપર ગામ પાસે સોમનાથ હોટલના રૂમમાં રહેતા ભરતસિંહ સોહનસિંહ રાજપુરોહિત જાતે બ્રાહ્મણ (૩૨)એ ડમ્પર નંબર જીજે ૧૨ બીટી ૦૯૮૧ ની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, મોરબીના જેતપર રોડ ઉપર આવેલ સોમનાથ હોટલમાં તેની સાથે જ રહેતા તેના મામાના દીકરા ભાઈ પ્રવીણસિંહ જેઠુસિંહ રાજપુરોહિત (૩૦) નામનો યુવાન જમવાના પાર્સલ દેવા માટે થઈને બાઈક નંબર આરજે ૨૨ યુએસ ૩૯૪૭ લઈને સોમનાથ પેટ્રોલ પંપ સામેથી પસાર થઈ રહ્યો હતો ત્યારે ડમ્પર ચાલકે તેના બાઇકને હડફેટે લીધું હતું જેથી કરીને અકસ્માતનો બનાવ બનેલ હતો અને અકસ્માતના બનાવમાં મૃતક યુવાને માથા ઉપર હેલ્મેટ પહેર્યું હતું તેમ છતાં પણ માથા ઉપરથી ડમ્પરનો વ્હીલ ફેરવી દેતા માથામાં ગંભીર ઇજા થવાના કારણે તે યુવાનનું મોત નીપજયું હતું અને અકસ્માત સર્જીને ડમ્પર ચાલક પોતાનું વાહન સ્થળ ઉપર છોડીને નાસી ગયેલ હોય હાલમાં મૃતક યુવાનના કૌટુંબિક ભાઈએ નોંધાવેલ ફરિયાદ આધારે પોલીસે ડમ્પર ચાલક સામે ગુનો નોધી આરોપીને પકડવા માટે તજવીજ શરૂ કરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના પીએસઆઇ એસ.એન. સગારકા ચલાવી રહ્યા છે
