મોરબીમાં પગાર માંગવા ગયેલા યુવાનને મોઢામાં પગરખું લેવડાનાર વિભૂતિ પટેલ સહિતના હજુ પોલીસ પકડથી દૂર !
Morbi Today
ટંકારામાં સરકારી જમીન પર કબ્જો કરી જમીન પચાવી પાડનાર બે ઈસમો વિરૂદ્ધ ટંકારા પોલીસ મથકમાં લેન્ડ ગ્રેબીંગ હેઠળ ફરીયાદ
SHARE
JOIN OUR GROUP
ટંકારામાં સરકારી જમીન પર કબ્જો કરી જમીન પચાવી પાડનાર બે ઈસમો વિરૂદ્ધ ટંકારા પોલીસ મથકમાં લેન્ડ ગ્રેબીંગ હેઠળ ફરીયાદ
ટંકારા મામલતદાર અને એક્ઝીક્યુટીવ મેજીસ્ટ્રેટ કેતન સખિયા તથા તાલુકા વિકાસ અધિકારી દ્વારા દબાણકારોને નાથવા માટે હાથ ધરેલી કવાયતમા વધુ એક ફરીયાદ
ટંકારા ગામ પંચાયતના તલાટી કમ મંત્રી દિલીપભાઈ ચકુભાઈ પાલરીયા (ઉ.વ.૩૬) એ આરોપી રમજાન કરીમભાઈ માડકીયા તથા હાસમભાઈ આદમભાઈ ભુંગર રહે.ટંકારા વાળાઓ વિરુદ્ધ ટંકારા પોલીસ સ્ટેશનમાં ફરીયાદ નોંધાવી છે કે સને ૨૦૨૧ ના વર્ષથી આજદીન સુધી આરોપી રમજાન કરીમભાઈએ ટંકારાના નગરનાકા પાસેની જુની જકાતનાકાની કચેરી જે ૩૦ વર્ષથી બંધ હોય તેમા પંચરની કેબીનનો ભંગારનો માલસામાન રાખેલ તે તથા મકાનના બહારના ભાગેએ પતરાની કેબીન તથા શેડ બનાવી જેનુ ક્ષેત્રફળ આશરે ૧૫૦ ચો.ફુ જેવુ થાય તે તથા આરોપી હાસમભાઈએ જકાતનાકાના મકાનની આશરે ૭૦ ફુટ દુર આશરે ૧૨૦ ચો.ફુટ જગ્યામા ઇંટ આર.સી.સી ના પાકા ચણતરથી દુકાન બનાવી જેથી દિલીપભાઈએ આરોપીઓ વિરુદ્ધ ટંકારા પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપીઓ વિરુદ્ધ ગુજરાત જમીન પચાવી પાડવા પર(પ્રતિબંધ) વિધેયક ૨૦૨૦ ની કલમ ૩, ૪(૩), ૫(ગ) તથા આઇ.પી.સી. કલમ-૧૧૪ મુજબ ગુનો નોંધી કાયદેસરની કાર્યવાહી હાથ ધરી છે.
અત્રે ઉલ્લેખનીય છે કે ટંકારા દબાણકારો વિરુદ્ધ અગાઉ પણ લેન્ડ ગ્રેબિંગ હેઠળ કાર્યવાહી કરવામાં આવી છે આ કિસ્સામાં પણ કમિટી સામે કેસ આવતા જીલ્લા કલેકટર દ્વારા ફરીયાદ કરવા હુકમ કર્યો હતો.હાલ ટંકારા મામલતદાર અને એક્ઝીક્યુટીવ મેજીસ્ટ્રેટ કેતન સખિયા તથા તાલુકા વિકાસ અધિકારી દ્વારા દબાણકારોને નાથવા માટે હાથ ધરેલી કવાયતમા વધુ એક ફરીયાદ નોંધાતા પોલીસે કાર્યવાહી શરૂ કરેલ છે.
