વાંકાનેરના નવાપરામાં ઘરમાં પહેલા માળેથી નીચે પટકાતા ઈજા પામેલ દોઢ વર્ષની બાળકીનું મોત

વાંકાનેરના નવાપરામાં ઘરે પહેલા માળેથી નીચે પટકાતા ગંભીર રીતે ઈજા પામેલ દોઢ વર્ષની બાળકીને વાંકાનેરમાં સારવાર આપ્યા બાદ વધુ સારવાર માટે રાજકોટ સરકારી હોસ્પિટલ ખાતે લઈ ગયા હતા ત્યાં સારવાર દરમિયાન તે બાળકીનું મોત નીપજયું હતું જેથી કરીને આ બનાવની હોસ્પિટલ મારફતે વાંકાનેર સિટી પોલીસને જાણ કરવા માટેની કવાયતા કરવામાં આવી છે

બનાવની જાણવા મળતી માહિતી મુજબ વાંકાનેર નજીક આવેલ થાન ચોકડી પાસે રહેતા બાળકિશોર ભુરીયાની દોઢ વર્ષની દીકરી નંદીની વાંકાનેરના નવાપરા વિસ્તારમાં જીતુભાઈના ઘરે પહેલા માળેથી નીચે પટકાઈ હતી જેથી કરીને તે બાળકીને ગંભીર ઇજા થઈ હોવાથી પ્રથમ સારવાર માટે વાંકાનેરની હોસ્પીટલમાં લઈને આવ્યા હતા અને ત્યાંથી વધુ સારવાર માટે રાજકોટની સરકારી હોસ્પિટલ ખાતે લઈ ગયા હતા જોકે સારવાર દરમિયાન તે બાળકીનું મોત નીપજયું હતું જેથી રાજકોટની સરકારી હોસ્પિટલ મારફતે આ બનાવની વાંકાનેર સિટી પોલીસને જાણ કરવા માટેની કવાયાત હાથ ધરવામાં આવી હતી

મહિલા ડીઝલ પી ગઈ

મોરબીના નવલખી રોડ ઉપર આવેલ રણછોડનગરમાં સાઈબાબા મંદિર પાસે રહેતા સહેનાઝબેન ઇમરાનભાઈ (૩૦) નામની મહિલા કોઈ કારણોસર પોતે પોતાના ઘરે હતી ત્યારે ત્યાં ડીઝલ પી ગઈ હતી જેથી કરીને તેને પ્રથમ સારવાર માટે મોરબી અને ત્યાંથી વધુ સારવાર માટે રાજકોટની સરકારી હોસ્પિટલ ખાતે લઈ જવામાં આવેલ છે અને આ બનાવ અંગેની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે