મોરબી જિલ્લા પંચાયતના ક્લાર્કનું પાડા પુલ ઉપરથી નીચે પટકાતા મોત

મોરબી જિલ્લા પંચાયતના ક્લાર્ક પાડા પુલ ઉપરથી નીચે પટકાતા તેઓનું મોત નીપજ્યું હતું ત્યારબાદ તેના મૃતદેહને મોરબીની સરકારી હોસ્પિટલ ખાતે લઈ જવામાં આવ્યો હતો અને આ બનાવ અંગેની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મૂળ બગથળા ગામના રહેવાસી અને મોરબી જિલ્લા પંચાયતમાં ક્લાર્ક તરીકે ફરજ બજાવતા જગદીશભાઈ મેઘજીભાઈ ચાવડા (૫૬) નામના વૃદ્ધ મોરબીમાં પાડા પુલ ઉપરથી નીચે મચ્છુ નદીમાં પડી ગયા હતા જેથી તેમનું મોત નીપજ્યું હતું અને ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યાંથી આ બનાવ અંગેની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશન ખાતે ફરજ બજાવતા વી.કે. ચાવડા ચલાવી રહ્યા છે વધુમાં જાણવા મળતી વિગત મુજબ મૃતક જગદીશભાઈ ચાવડા મોરબી જિલ્લા પંચાયતમાં ક્લાર્ક તરીકે ફરજ બજાવતા હતા અને તેઓ સાંજે ફરજ પરથી છૂટે ત્યારબાદ ચકલાને ચણ નાખવા માટે દરરોજ પાડા પુલ ઉપર જતા હતા જો કે, ગત ૨૩/૧૧ ના રોજ મોડી સાંજ સુધી તે ઘરે ન આવતા તેને શોધવા માટેની તજવીજ શરૂ કરી હતી અને દરમિયાન તેની મચ્છુ નદીમાંથી લાશ મળી હતી જેથી કરીને તેઑ ચકલાને ચણ નાખવા માટે ગયા હોય ત્યારે અકસ્માતે નીચે પડ્યા હોય તેવી શક્યતા સેવાઈ રહી છે