મોરબીના ફાટસર ગામે જાહેરમાં જુગાર રમતા પાંચ જુગારી ૪૬,૬૦૦ ની રોકડ સાથે પકડાયા
Morbi Today
મોરબીના સોખડા ગામે અગાઉ કરેલ ફરિયાદનો ખાર રાખીને આધેડને માર માર્યો: એટ્રિસિટિની ફરિયાદ
SHARE
JOIN OUR GROUP
મોરબીના સોખડા ગામે અગાઉ કરેલ ફરિયાદનો ખાર રાખીને આધેડને માર માર્યો: એટ્રિસિટિની ફરિયાદ
મોરબી તાલુકાના સોખડા ગામે રહેતા આધેડે અગાઉ કરેલ ફરિયાદનો ખાર રાખીને તેને રસ્તામાં આંતરીને જાહેરમાં ગાળો આપી ઝાપટો મારી હતી અને જ્ઞાતિ પ્રત્યે હડધૂત કરવામાં આવ્યા હતા અને ફરિયાદ કરીશ તો જાનથી મારી નાખીશ તેવી ધમકી આપવામાં આવી હતી જેથી કરીને ભોગ બનેલા આધેડ દ્વારા હાલમાં મોરબી તાલુકા પોલીસ સ્ટેશન ખાતે એક શખ્સની સામે ફરિયાદ નોંધાવવામાં આવતા પોલીસે એટ્રોસિટી સહિતની કલમ હેઠળ ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ મોરબી તાલુકાના સોખડા ગામે રહેતા રમેશભાઈ ખીમાભાઈ મકવાણા જાતે અનુ. જાતિ (૫૪)એ હાલમાં મોરબી તાલુકા પોલીસ સ્ટેશન ખાતે હરદેવભાઈ બાબાભાઈ બાલાસરા રહે. સોખડા વાળાની સામે ફરિયાદ નોંધાવેલ છે જેમાં તેને જણાવ્યું છે કે, અગાઉ તેઓએ કરેલ ફરિયાદનો ખાર રાખીને તે જ્યારે સોખડા ગામ પાસે આવેલ ફાસ્ટન કારખાના પાસેથી પોતાનું બાઈક લઈને પસાર થઈ રહ્યા હતા ત્યારે તેના બાઇકની સામે આરોપીએ પોતાનું મેટાડોર રાખીને તેને આંતરીને જાહેરમાં ગાળો આપી હતી તેમજ બે ત્રણ ઝાપટો મારી હતી અને જ્ઞાતિ પ્રત્યે હડધુત કરીને ફરિયાદ કરીશ તો જાનથી મારી નાખીશ તેવી ધમકી આપી હતી જેથી કરીને ભોગ બનેલા આધેડ દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
