મોરબીના એવન્યુ પાર્કમાં કુતરા-આખલાનો ત્રાસ હોવાની પાલિકામાં રજૂઆત

મોરબીના રવપર રોડે આવેલ એવન્યુ પાર્કમાં છેલ્લા ઘણા સમયથી રજડતા કુતરા અને આખલાનો ત્રાસ છે અને નિર્દોષ લોકોને ઇજા પણ કરેલ છે જો કે, જીવલેણ અકસ્માત સર્જાય તે પહેલા યોગ્ય કાર્યવાહી કરવામાં આવે તેવી સ્થાનિક લોકોએ નગરપાલિકામાં રજુઆત કરી છે.

હાલમાં પાલિકામાં ચંદ્રિકાબેન પંડ્યાએ જે રજુઆત કરી છે તેમાં જણાવ્યુ છે કે, ગત તા. ૧૪ ના રોજ રાત્રીના સમયે એવન્યુ પાર્કમાં ગરબી ચોક પાસે કૂતરાએ ગોઠણના પાછળના ભાગમાં બચકું ભરી લીધું હતી જેથી કરીને તેઓને ઇજા થઈ હતી અને છેલ્લા ઘણા સમયથી આ વિસ્તારમાં કૂતરા અને આખલાનો ત્રાસ વધી ગયો છે જેથી કરીને બાળકો, મહિલાઓ અને વૃદ્ધોને ઇજા કરે અથવા તો જીવલેણ અકસ્માત સર્જાય તે પહેલા પાલિકા દ્વારા તાત્કાલિક કાર્યવાહી કરવામાં આવે તેવી માંગ કરવામાં આવી છે.