ટંકારા બાર એસો.ના હોદેદારોની બિન હરીફ વરણી કરાઇ: પ્રમુખ પરેશભાઈ ઉજરીયા
Morbi Today
ભારે કરી: ટંકારા ગામ પંચાયતની સામાન્ય સભામાં બજેટ સહિતના એજન્ડા નામંજૂર
SHARE
JOIN OUR GROUP
ભારે કરી: ટંકારા ગામ પંચાયતની સામાન્ય સભામાં બજેટ સહિતના એજન્ડા નામંજૂર
ટંકારા ગામ પંચાયતની સામાન્ય સભાની બેઠક રાખવામા આવી હતી જેમાં બજેટ રજૂ કરવામાં આવ્યું હતું તે બજેટને નામંજુર કરવામાં આવ્યું છે આ બેઠકમાં સરપંચ સહિત કુલ મળીને ૧૪ માંથી એક સભ્ય ગેરહાજર હતા અને આ બજેટ નામંજૂર થતાં તમામ કામો ખોરવાઈ જશે અને બજેટ મંજુર ન થાય તો પંચાયત બોડી બરખાસ્ત થઈ જશે તેવી ચર્ચા ચાલી રહી છે
ટંકારા તાલુકાની સૌથી મોટી પંચાયત પૈકીની ટંકારા ગામ પંચાયત ખાતે શુક્રવારે સામાન્ય સભાનું આયોજન કર્યું હતું જેમા ૧ થી ૯ મુદાઓ મુક્યા હતા જેમા સૌથી અગત્યની બાબત ૨૦૨૪-૨૫ નું બજેટ હતું જો કે, ૧૩ સભ્યો અને સરપંચ મળી ૧૪ માં એક સભ્ય ગેરહાજર રહેતા ૧૩ માથી ૭ સભ્યોએ બજેટ સહિત તમામ મુદાઓ પર ચર્ચા કરવાને બદલે સાત સભ્યો દ્વારા પંચાયતી કામકાજની નારાજગી દર્શાવી બજેટ નામંજુર કર્યું છે જેથી કરીને રાજકીય ભૂકંપ આવ્યો છે અત્રે ઉલ્લેખનીય છે કે, સરપંચ પેનલના પુરતા સભ્યો ચુટાયા ન હતા અને અપક્ષના ટેકે સરપંચ બોડી કામગીરી કરી રહી હતી ત્યારે સરપંચ પેનલના એક સભ્યે રાજીનામું આપી દીધું હતું અને આજે સરપંચ પેનલના એક સભ્ય ગેરહાજર રહેતા અન્ય સાત સભ્યોએ એકસંપ થઇ બજેટ નામંજુર કર્યુ છે. આટલું જ નહીં નવ મુદામા જેમાં આવક જાવક બીલ અને અરજી સહિતના મુદાઓ ઉપર પણ સહમતિ ન બનતાએ પણ નામંજુર થયેલ છે હવે તાલુકા પંચાયત ખાતે આ અંગે રીપોર્ટ કરી નવી મિટીંગ માટે અરજી અથવા તો વધુ બે તક આપવામાં આવી શકે છે જો એમા પણ બજેટ મંજુર ન થાય તો પંચાયત બોડી બરખાસ્ત કરી ફરી ચુંટણી યોજાઈ શકે છે. હાલ તો આ મુદ્દે રાજકીય ગરમાવો આવી ગયેલ છે
