મોરબીમાં બંધ મેટાડોરના રીપેરીંગ સમયે પાછળથી ટેન્કર અથડાતાં અકસ્માતમાં ચારને ઇજા: ગુનો નોંધાયો
SHARE
JOIN OUR GROUP
મોરબીમાં બંધ મેટાડોરના રીપેરીંગ સમયે પાછળથી ટેન્કર અથડાતાં અકસ્માતમાં ચારને ઇજા: ગુનો નોંધાયો
મોરબીના સામાકાંઠે જૂની કુબેર ટોકીઝ પાસે ચાર દિવસ પહેલા સાંજે ચારેક વાગ્યે વાહન અકસ્માતનો બનાવ બન્યો હતો જેમાં બંધ પડેલા મેટાડોરને ત્રણ લોકો રીપેરીંગ કરી રહ્યા હતા ત્યારે ટેન્કરના ચાલકે મેટાડોરની પાછળ પોતાનું વાહન અથડાવી દેતા મેટાડોર રીપેરીંગનું કામ કરી રહેલા ત્રણ તથા ટેન્કર ચાલકને એમ કુલ ચાર લોકોને ઈજા થતા સારવારમાં ખસેડવામાં આવ્યા હતા આ બનાવમાં હાલમાં ગેરેજ વાળાએ ટેન્કરના ચાલકની સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવતાં પોલીસે ગુનો નોંધીને આરોપીની ધરપકડ કરીને આગળની કાર્યવાહી કરેલ છે
જાણવા મળતી વિગત્તો પ્રમાણે મોરબીના વીસીપારમાં બિલાલી મસ્જિદ પાસે રહેતા સાબિરભાઇ સલિમભાઇ ચાનીયા જાતે સંધી (૨૫)એ મોરબી બી ડિવિઝન પોલીસ સ્ટેશન ખાતે હાલમાં માયારામભાઇ રામગતીભાઇ વર્મા જાતે પટેલ (૫૭) રહે. ઉર્ફરોલી થાના જલાલપુર જીલ્લો આંબેડકરનગર ઉતરપ્રદેશ વાળાની સામે અકસ્માતની ફરિયાદ નોંધાવેલ છે જેમાં તેને જણાવ્યુ છે કે, મોરબીના સામાકાંઠે જૂની કુબેર ટોકીઝ પાસે આરોપી ટેન્કરના ચાલકે બંધ પડેલા અને રીપેરીંગ કામ થઈ રહેલા મેટાડોરની પાછળ પોતાનું ટેન્કર અથડાવી દીધું હતું અને બે બાઈક તથા મેટાડોરને હડફેટે લીધા હતા અને ત્યાર બાદ પોતાનું ટેન્કર ડિવાઈડર ઉપર રહેલ ગ્રીલ સાથે અથડાવ્યૂ હતું ત્યારે ટેન્કરના ચાલક માયારામ રામગત વર્મા (૫૭) હાલ રહે. ગાંધીધામ કચ્છ મૂળ રહે યુપી, મેટાડોર રીપેરીંગનું કામકાજ કરી રહેલા શુભમ જગદીશ રાજગોર પુરોહિત (૧૭) રહે. ટીંબડી તાલુકો મોરબી, ફરિયાદી સબ્બીર સલીમભાઇ ચાનિયા (૨૪) રહે. વીસીપરા મોરબી અને દાનાભાઈ ભાણાભાઈ ભરવાડ (૨૫) રહે. રેસ્ટર્ન ગેરેજ સામાકાંઠે મોરબી-૨ વાળાઓને ઇજાઓ થઈ હતી જેથી તેને સારવાર માટે હોસ્પિટલમાં લઈ જવાયા હતા ત્યાં સારવાર લીધા બાદ હાલમાં મોરબી સીટી બી ડિવિઝન પોલીસ સ્ટેશન ખાતે નોંધાવવામાં આવેલ ફરિયાદ આધારે પોલીસે ટેન્કરના ચાલકની સામે ગુનો નોંધીને આરોપી માયારામભાઇ રામગતીભાઇ વર્મા જાતે પટેલ (૫૭) રહે. ઉર્ફરોલી થાના જલાલપુર જીલ્લો આંબેડકરનગર ઉતરપ્રદેશ વાળાની ધરપકડ કરીને આગળની કાર્યવાહી કરેલ છે
