ટંકારાના સાવડી અને મોરબીના બિલીયા ગામે વિકસિત ભારત સંકલ્પ યાત્રાનો કાર્યક્રમ યોજાયો
SHARE
JOIN OUR GROUP
ટંકારાના સાવડી અને મોરબીના બિલીયા ગામે વિકસિત ભારત સંકલ્પ યાત્રાનો કાર્યક્રમ યોજાયો
ટંકારાના સાવડી અને મોરબીના બિલિયા ગામે 'વિકસિત ભારત સંકલ્પ યાત્રા'ને ગ્રામજનોએ ઉત્સાહભેર વધાવી હતી અને ટંકારાના સાવડી ગામે ધારાસભ્ય દુર્લભજીભાઈ દેથરિયા, ભાજપના આગેવાન અશોકભાઇ ચાવડા તાલુકા ભાજપના ઉપપ્રમુખ દિનેશભાઇ વધારીયા, રસિકભાઈ દેત્રોજા, પ્રભુભાઈ કામરિયા, સંજયભાઈ ભાગીયા સહિતના આગેવાનો હાજર રહ્યા હતા અને પ્રાસંગિક પ્રવચન કર્યું હતું ત્યારે ધારાસભ્ય દુર્લભજીભાઈ દેથરિયાએ કહ્યું હતું કે, વડાપ્રધાન નરેન્દ્ર મોદીની ગેરંટીની ગાડી તમારા ગામે આવી છે ત્યારે સરકારી યોજનાથી કોઈ વંચિત ન રહે તેની સ્થાનિક આગેવાનો સહિતનાઓની જવાબદારી છે આવી જ રીતે બિલિયા ગામે મદદનીશ પશુપાલન નિયામક ડૉ. જે.પી. ઉધરેજાએ જણાવ્યું હતું કે, પ્રધાનમંત્રી નરેન્દ્રભાઈ મોદી દ્વારા વર્ષ ૨૦૪૭ માં વિકસિત ભારત થકી દેશ આત્મનિર્ભર બને તે માટે સંકલ્પયાત્રાની શરૂઆત કરવામાં આવી છે. સરકાર તમારા આંગણે આવી છે તો કોઈ પણ નાગરિક યોજનાના લાભથી વંચિત ન રહે એ જોવાની આપણી સૌની જવાબદારી છે, ત્યાર બાદ ઉપસ્થિત ગ્રામજનોએ વર્ષ ૨૦૪૭ સુધીમાં ભારતને વિકસિત ભારત બનાવવા યથા યોગ્ય યોગદાન આપવા સંકલ્પબધ્ધ થયા હતા. આ પ્રસંગે મદદનીશ પશુપાલન નિયામક ડૉ. જે.પી. ઉધરેજા, સ્થાનિક અગ્રણી, ગ્રામજનો,વિવિધ વિભાગોના અધિકારી-કર્મચારીઓ , લાભાર્થીઓ ઉપસ્થિત રહ્યા હતા.
