હળવદના ઘનશ્યામપુર ગામે પિતાએ મોબાઈલ લઈ લેતા યુવતીએ ઝેરી દવા ગટગટાવી !

હળવદ તાલુકાના ઘનશ્યામપુર ગામે વાડીમાં રહીને મજૂરી કામ કરતા યુવાને તેની દીકરી પાસેથી મોબાઇલ લઈ લેતા તેને સારું લાગ્યું ન હતું જેથી કરીને તે યુવાનની દીકરીએ ખડમાં છાંટવાની દવા પી લીધી હતી જેથી તેને તાત્કાલિક સારવાર માટે હોસ્પિટલે ખસેડવામાં આવી હતી અને આ બનાવની યુવતીના પિતા દ્વારા હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી પ્રમાણે મૂળ છોટાઉદેપુર જિલ્લાના નસવાડી તાલુકાના રહેવાસી અને હાલમાં હળવદ તાલુકાના ઘનશ્યામપુર ગામે બાબુભાઈ કરસનભાઈ રાજપુતની વાડીએ રહેતા જગનભાઈ નંદુભાઈ નાયક જાતે આદિવાસી (૩૮) એ હળવદ તાલુકા પોલીસ સ્ટેશન ખાતે જાણ કરી હતી કે, ઘનશ્યામપુર ગામે બાબુભાઈની વાડીએ તેઓની દીકરી રીનાબેન જગનભાઈ નાયક જાતે આદિવાસી (૨૦)એ ખડમાં છાંટવાની દવા પી લીધી હતી જેથી કરીને તેને સારવાર માટે હોસ્પિટલમાં લઈને આવ્યા હતા વધુમાં પોલીસ પાસેથી જાણવા મળતી વિગત પ્રમાણે રીનાબેન પાસેથી તેના પિતાએ મોબાઈલ લઈ લેતા તેને સારું લાગ્યું ન હતું જેથી તેણે ખડમાં છાંટવાની દવા પી લેતા સારવાર માટે હોસ્પિટલમાં લઈને આવ્યા હતા આ બનાવની હળવદ તાલુકા પોલી નોંધ કરી આગળની રાબેતા મુજબની કાર્યવાહી હાથ ધરી છે