વાંકાનેરના કોઠી ગામના બસ સ્ટેશન પાસેથી દારૂ ભરેલ કાર સાથે એકની ધરપકડ: ૩.૦૬ લાખનો મુદામાલ કબજે
SHARE
JOIN OUR GROUP
વાંકાનેરના કોઠી ગામના બસ સ્ટેશન પાસેથી દારૂ ભરેલ કાર સાથે એકની ધરપકડ: ૩.૦૬ લાખનો મુદામાલ કબજે
વાંકાનેર તાલુકાના કોઠી ગામના બસ સ્ટેશન પાસે નદીના પોલ ઉપરથી કાર પસાર થઈ રહી હતી જે કારને રોકીને પોલીસે ચેક કરી હતી ત્યારે તે કારમાંથી ૧૫૦ લીટર દેશી દારૂનો જથ્થો મળી આવ્યો હતો જેથી કરીને પોલીસે ત્રણ લાખ રૂપિયાની કિંમતની કાર અને ૩૦૦૦ ની કિંમતનો દારૂ તથા મોબાઈલ ફોન મળીને ૩,૦૬,૦૦૦ ની કિંમતનો મુદ્દામાલ સ્થળ ઉપરથી કબજે કરેલ છે
બનાવની જાણવા મળતી માહિતી પ્રમાણે વાંકાનેર તાલુકાના કોઠી ગામના બસ સ્ટેશન સામે મહીકા નદીના પુલ પરથી પસાર થઈ રહેલ ગાડી નંબર જીજે ૩ એફકે ૮૮૮૫ ને રોકીને પોલીસ દ્વારા ચેક કરવામાં આવતા તે કારમાંથી દોઢસો લીટર દેશી દારૂનો જથ્થો મળી આવ્યો હતો જેથી કરીને પોલીસે ૩૦૦૦ રૂપિયાની કિંમતનો દારૂ, ૩૦૦૦ રૂપિયાની કિંમતનો મોબાઇલ ફોન અને ત્રણ લાખ રૂપિયાની કિંમતની ગાડી આમ કુલ મળીને ૩,૦૬,૦૦૦ ની કિંમતના મુદ્દામાલને કબજે કર્યો હતો અને આરોપી ભરતભાઈ શાંતુભાઇ ધાંધલ જાતે કાઠી દરબાર (૪૦) રહે. ખાટડી તાલુકો ચોટીલા વાળાની ધરપકડ કરેલ છે તેની સામે વાંકાનેર તાલુકા પોલીસ સ્ટેશન ખાતે ગુનો નોંધી આગળની રાબેતા મુજબની કાર્યવાહી હાથ ધરી છે
ઝેરી દવા પીધી
હળવદ તાલુકાના ડુંગરપુર ગામે રહેતા કાજલબેન શાંતિલાલ (૧૮) નામની યુવતી કોઈ કારણોસર પોતે પોતાના ઘરે ઝેરી દવા પી ગઈ હતી જેથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને હોસ્પિટલ મારફતે પ્રથમ મોરબી એ ડિવિઝનમાં જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી હતી જો કે આગળની વધુ તપાસ હળવદ તાલુકા પોલીસ દ્વારા કરવામાં આવશે
મારામારીમાં ઇજા
મોરબીના લીલાપર રોડ ઉપર આવેલ ચાર માળિયામાં મારામારીનો બનાવ બન્યો હતો ત્યારે અજયભાઈ ધીરુભાઈ દેલવાણીયા (૧૭) અને દિનેશ ધીરુભાઈ દેલવાણીયા (૧૯) નામના બે યુવાનોને ઇજાઓ થઈ હતી જેથી કરીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી કરી છે આ બનાવની આગળની વધુ તપાસ વિપુલભાઈ પટેલ ચલાવી રહ્યા છે
