મોરબીના રવાપર રોડે વિજયનગરમાં રહેતી મહિલાએ ઘરમાં અંતિમ પગલુ ભરી લેતા મોત નિપજયુ

મોરબીના રવાપર રોડ ઉપર આવેલ વિજયનગર-૧ ગાયત્રીનગર પાછળ રહેતા મહિલાએ પોતાના ઘરે બીમારીથી કંટાળીને એસિડ પી લીધું હતું જેથી કરીને તેનું મોત નીપજયું હતું ત્યારબાદ મૃતક મહિલાના પતિ તેને મોરબીની સરકારી હોસ્પિટલ ખાતે લઇ આવ્યા હતા અને આ બનાવની મૃતક મહિલાના પતિએ મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીના રવાપર રોડ ઉપર આવેલ વિજયનગર-૧ ગાયત્રીનગર પાછળ રહેતા ધર્મિષ્ઠાબેન ધર્મેન્દ્રભાઈ કુણાપરા જાતે પટેલ (૪૫)એ પોતે પોતાના ઘરે હતા ત્યારે એસિડની બોટલમાંથી અજાણી માત્રામાં એસિડ પી લીધું હતું જેથી કરીને તેનું મોત નીપજયું હતુ ત્યારબાદ તેના મૃતદેહને મોરબીની સરકારી હોસ્પિટલ ખાતે લઈને આવ્યા હતા અને આ બનાવની મૃતક મહિલાના પતિ ધર્મેન્દ્રભાઈ વાલજીભાઈ કુણાપરા (૪૫) એ મોરબી સીટી એ ડિવિઝન પોલીસ સ્ટેશન ખાતે જાણ કરી હતી જેથી કરીને પોલીસે બનાવની નોંધ કરી આગળની કાર્યવાહી હાથ ધરી હતી અને વધુમાં જાણવા મળતી માહિતી મુજબ મૃતક મહિલાને માનસિક તકલીફની બીમારી હતી જેથી કરીને તેને કંટાળીને પોતે પોતાની જાતે એસિડની બોટલમાંથી અજાણી માત્રામાં એસિડ પી લેતા તેનું મોત નીપજયું હતું આ બનાવ અંગેની મોરબી એ ડિવિઝન પોલીસ દ્વારા નોંધ કરી આગળની રાબેતા મુજબની કાર્યવાહી હાથ ધરવામાં આવી છે