મોરબીના રાજપર ગામેથી યુવાન ગુમ
SHARE
JOIN OUR GROUP
મોરબીના રાજપર ગામેથી યુવાન ગુમ
મોરબીના રાજપર ગામે આવેલ ફાર્મ હાઉસમાંથી ફાર્મનું રખોપુ કરતો યુવાન ગુમ થઈ ગયેલ છે જેથી કરીને તેની પત્નીએ મોરબી તાલુકા પોલીસ સ્ટેશન ખાતે તેના પતિ ગુમ થયા અંગેની ગુમસુધા અરજી આપેલ છે જેથી કરીને પોલીસે યુવાનને શોધવા માટે તજવીજ શરૂ કરેલ છે
મોરબીના રાજપર ગામે આવેલ ફાર્મ હાઉસમાંથી રહીને ત્યાં રખોપું કરતાં ચીમનભાઈ માધુભાઈ શિયાળ (૪૫) ગત તા ૫ માર્ચથી ગુમ થયા છે. જેથી કરીને તેની પત્નીએ મોરબી તાલુકા પોલીસ સ્ટેશન ખાતે અરજી આપેલ છે જેમાં જણાવ્યુ છે કે, હાલમાં રાજપર ગામે ફાર્મ હાઉસમાં રાઇન રખોપું કરતાં મૂળ ભાવનગર જિલ્લાના મહુવા તાલુકાના દેવળીયા ગામના ચીમનભાઈ માધુભાઈ શિયાળ (૪૫) તેની પત્ની સોનલબેન સાથે ત્યાં રહેતા હતા જો કે, ગત તા. ૨૯ફેબ્રુઆરીના રોજ તે તેમની દીકરી સાથે મહુવા લગ્ન પ્રસંગમાં ગયા હતા અને તેમના પતિ દેખભાળ માટે ફાર્મ હાઉસમાં રોકાયા હતા. અને ફાર્મ હાઉસના સંચાલક ફાર્મ હાઉસે ગયા ત્યારે ત્યાં તાળું જોવા મળ્યું હતું અને ચીમનભાઈની શોધખોળ કરી હતી જો કે, તે મળી આવેલ નથી ત્યારબાદ પરિવારજનો દ્વારા તેને શોધવામાં આવ્યા હતા જો કે, ચીમનભાઈ મળી આવેલ નથી જેથી સીસીટીવી કેમેરા ચેક કર્યા હતા ત્યારે જાણવા મળ્યું હતું કે, ગુમ થનાર ચીમનભાઈ ૫ માર્ચના રોજ સાંજના સાતેક વાગ્યે ફાર્મ હાઉસને તાળું મારીને હાથમાં થેલી લઈને ગયેલ છે જેથી ગુમ થયેલા યુવાનની પત્નીએ આપેલ અરજી આધારે પોલીસે યુવાનને શોધવા માટે તજવીજ શરૂ કરી છે
