હળવદના ખોડ ગામે તળાવના કાંઠેથી દારૂની ૩૫ બોટલ મળી, બુટલેગરની શોધખોળ
Morbi Today
મોરબીમાં પત્નીએ બીજા સાથે ભાગી જઈને લગ્ન કરી લેતા યુવાને અણધાર્યું કર્યું
SHARE
JOIN OUR GROUP
મોરબીમાં પત્નીએ બીજા સાથે ભાગી જઈને લગ્ન કરી લેતા યુવાને અણધાર્યું કર્યું
મોરબીના સામાકાંઠે આવેલ ત્રાજપર ખારી રામકુવા પાસે ભાડાના મકાનમાં રહેતા યુવાનની પત્ની અન્ય વ્યક્તિ સાથે ભાગી ગયેલ છે અને તેની સાથે લગ્ન કરી લીધેલ હોય તે બાબતે તેને મનોમન લાગી આવતા તેને પોતાના ઘરની અંદર ગળાફાંસો ખાઈને આપઘાત કરી લીધો હતો જેથી કરીને મૃતકના પરિવારજન તેના મૃતદેહને મોરબીની સિવિલ હોસ્પિટલે લઈને આવ્યા હતા અને આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મૂળ યુપીના બલિયા જિલ્લાના રહેવાસી અને હાલમાં મોરબી શહેરના ત્રાજપર ખારી રામકુવા પાસે જયંતીભાઈ ધારાભાઈ સીતાપરાના મકાનમાં ભાડે રહેતા ગોલુ જંગલી ગુપ્તા જાતે મદેસીયા (૨૬) નામના યુવાને પોતાના રહેણાંક મકાનની અંદર લોખંડની એંગલ સાથે ચુંદડી બાંધીને ગળાફાંસો ખાઈ લીધો હતો જેથી કરીને તેના મૃતદેહને સત્યેન્દ્ર રાજેન્દ્રપ્રસાદ ગુપ્તા રહે. હાલ ઓમ ટુલ્સ કારખાનાની ઓરડીમાં લાલપર મૂળ રહે યુપી વાળા મોરબી સિવિલ હોસ્પિટલ ખાતે લઈને આવ્યા હતા અને ત્યારબાદ આ બનાવની તેના દ્વારા મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી અને વધુમાં પોલીસ સૂત્રો પાસેથી જાણવા મળતી માહિતી પ્રમાણે મૃતક યુવાનની પત્ની અન્ય કોઈ વ્યક્તિ સાથે જતી રહેલ છે અને તેણે તે વ્યક્તિ સાથે લગ્ન કરી લેતા તે બાબતે મનોમન લાગી આવતા મૃતક યુવાને પોતાની ઓરડીમાં ગળાફાંસો ખાઈને આપઘાત કરી લીધેલ છે તેવું જાણવા મળતા પોલીસે તે અંગેની નોંધ કરીને રાબેતા મુજબની કાર્યવાહી હાથ ધરી છે
દેશી દારૂ
મોરબીના બાયપાસ રોડ ઉપર ભક્તિનગર પુલના રાજકોટ તરફના છેડા પાસે આવેલ કિરણભાઈ મગનભાઈ ધોળકિયાના જેસીબી રાખવાના ખુલ્લા પ્લોટ પાસે મોરબી એ ડીવિઝન પોલીસની ટીમ દ્વારા દારૂની રેડ કરવામાં આવી હતી ત્યારે ત્યાં સ્થળ ઉપરથી ખુલ્લા પ્લોટમાંથી દારૂના આઠ બાચકા મળી આવ્યા હતા જેથી કરીને પોલીસે ૪૦૦ લીટર દેશી દારૂ જેની કિંમત ૮૦૦૦ નો મુદ્દામાલ સ્થળ ઉપરથી કબજે કર્યો હતો અને આ દારૂનો જથ્થો લેવા માટે આવેલ આરોપી સન્નીભાઈ શાંતિભાઈ કડીવાર જાતે દેવીપુજક (૨૮) રહે. સનાળા બાયપાસ પાસે ગોકુલ નગર શેરી નં-૨૧ મોરબી વાળાની ધરપકડ કરી હતી અને તેની પાસેથી શૈલેષભાઈ પુનાભાઈ વાળા રહે સનાળા બાયપાસ રોડ મોરબી વાળાનું નામ સામે આવતા તેની સામે પણ ગુનો નોંધી પોલીસે તેને પકડવા માટે તજવીજ શરૂ કરી છે
