મોરબીના બંધુનગર પાસે ડમ્પરનો જોટો ફરી જતાં બાઇક લઈને જઇ રહેલા યુવાનનું મોત
SHARE
JOIN OUR GROUP
મોરબીના બંધુનગર પાસે ડમ્પરનો જોટો ફરી જતાં બાઇક લઈને જઇ રહેલા યુવાનનું મોત
મોરબી વાંકાનેર હાઇવે રોડ ઉપર આવેલ બંધુનગર પાસે તુલસી પેટ્રોલ પંપની સામેથી યુવાન બાઇક લઈને પસાર થઈ રહ્યો હતો ત્યારે ડમ્પર ચાલકે તેને હડફેટે લેતા યુવાન ઉપરથી ડમ્પરનો જોટો ફરી ગયો હતો જેથી કરીને તેને છાતી તથા જમણા હાથે અને ડાબા પગના સાથળના ભાગે અને શરીરે ગંભીર ઇજા થયેલ હતી જેથી કરીને યુવાનનું મોત નીપજયું હતું હાલમાં મૃતક યુવાનના કૌટુંબિક કાકાએ મોરબી તાલુકા પોલીસ સ્ટેશન ખાતે ડમ્પર ચાલક સામે ફરિયાદ નોંધાવતા પોલીસે ગુનો નોધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મૂળ પશ્ચિમ બંગાળના રહેવાસી અને હાલમાં મોરબીના ઘુટુ રોડ ઉપર આવેલ એવલોન સીરામીક કારખાનાના લેબર ક્વાર્ટરમાં રહેતા અને મજૂરી કામ કરતા ગોવિંદ ખોકારામ બરમન (૪૩)એ ડમ્પર નંબર જીજે ૧૩ એ ડબલ્યુ ૭૨૯૫ ના ચાલક સામે ફરિયાદ નોંધાવી છે જેમાં તેને જણાવ્યું છે કે, મોરબી વાંકાનેર હાઇવે રોડ ઉપર આવેલ બંધુનગર પાસે તુલસી પેટ્રોલ પંપની સામેથી તેનો કૌટુંબિક ભત્રીજો વિકાસ જગદીશ બરમન (૩૮) પોતાના હવાલા વાળો બાઈક નંબર જીજે ૯ સીએફ ૮૭૯૧ લઈને જઈ રહ્યો હતો ત્યારે તેને ડમ્પર ચાલકે હડફેટે લેતા ડમ્પરનો જોટો તેના ઉપરથી ફરી ગયો હતો જેથી તેને છાતી, જમણા હાથ, ડાબા પગના સાથળના ભાગે અને શરીરે ગંભીર ઇજાઓ થઈ હતી જેથી તે યુવાનનું મોત નીપજયું હતું અને તેનું વાહન ડમ્પર નીચે ફસાઈ જતા ડમ્પરનો ચાલક તેના હવાલા વાળું ડમ્પર સ્થળ ઉપર છોડીને નાસી ગયો હતો જેથી કરીને મૃતક યુવાનના કૌટુંબિક કાકા દ્વારા હાલમાં મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેના આધારે પોલીસે ગુનો નોંધી ડમ્પર ચાલકને પકડવા માટે તજવીજ શરૂ કરેલ છે
