મોરબી જીલ્લામાં ૧૨ વર્ષમાં ૩૧,૨૪૫ મહિલાઓ માટે ૧૮૧ અભયમ ની સેવા બની આશીર્વાદ કચ્છથી પાયલોટિંગ સાથે રાજકોટ બાજુ કતલખાને લઈ જવાતા 17 પાડાને ગૌરક્ષકોએ મોરબીની દલવાડી ચોકડી પાસેથી બચાવ્યા મોરબીમાં રાજ્યમંત્રી કાંતિભાઈ અમૃતિયા 64 માં જન્મદિવસ નિમિતે રક્તદાન કેમ્પ-સુખડી વિતરણનો કાર્યક્રમ યોજાયો મોરબીમાં ઘર પાસે સફાઈ કરીને કચરો સળગાવતી મહિલાને દંપતી સહિત ચાર વ્યક્તિઓએ મારમાર્યો માળીયા (મી)ના સરવડ પાસે ટેન્કર ચાલકે ટક્કર મારતા એસટી બસમાં નુકશાન હળવદના દેવીપુર ગામના પાટીયા પાસે ટ્રક ટેન્કરના ચાલકે હડફેટે લેતા ઇજા પામેલ યુવાનનું સારવારમાં મોત હળવદના રણજીતગઢ ગામેથી સગીરાનું અપહરણ: ગુનો નોંધાયો હળવદ અને મોરબીમાં દારૂની 3 રેડ: 96 બિયરના ટીન અને દારૂની નાની 89 બોટલ કબ્જે, 3 આરોપી ઝડપાયા

Breaking news

Morbi Today

વાલીઓ સાવધાન: વાંકાનેરના જાલીડા પાસે સૂતા સૂતા બાઇક ચલાવીને સ્ટંટ કરનાર બાળકિશોરના પિતાની ધરપકડ

20-06-2024 10:10 AM

વાલીઓ સાવધાન: વાંકાનેરના જાલીડા પાસે સૂતા સૂતા બાઇક ચલાવીને સ્ટંટ કરનાર બાળકિશોરના પિતાની ધરપકડ

સોશિયલ મીડિયામાં રિલ્સ બનાવવા માટે થઈને જાણે ઘેલું લાગ્યું હોય તેમ ઘણી વખત કાયદાનો ભંગ થતો હોય તેમ છતાં પણ હાઇવે રોડ ઉપર જોખમી સ્ટંટ કરીને રિલ્સ બનાવવામાં આવતી હોય છે આવી જ રીતે વાંકાનેર તાલુકાના જાલીડા ગામના બોર્ડ પાસેથી નેશનલ હાઈવે રોડ ઉપર જોખમી સ્ટંટ કરતા એક બાળકિશોર બાઈક ઉપર નીકળ્યો હતો જેનો વિડીયો સોશિયલ મીડિયામાં વાયરલ થયો હતો જેથી વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે બાળકિશોરની પૂછપરછ કરવામાં આવી હતી અને તેના પિતાની ધરપકડ કરીને પોલીસે આગળની રાબેતા મુજબની કાર્યવાહી હાથ ધરી હતી

જાણવા મળતી માહિતી મુજબ ગત તા. 18/6 ના સાંજના સાતેક વાગ્યાના અરસામાં વાંકાનેર તાલુકાના જાલીડા ગામના બોર્ડ પાસેથી નેશનલ હાઈવે રોડ ઉપર બાઈક લઈને જઈ રહેલ વ્યક્તિ બાઈક ઉપર જોખમી સ્ટંટ કરતા જોવા મળી હતી અને તેનો વિડીયો સોશિયલ મીડિયામાં વાયરલ થયો હતો જેથી પોલીસે બાઈક નંબર આધારે શોધખોળ હાથ ધરી હતી અને આ બનાવ સંદર્ભે વાંકાનેર તાલુકા પોલીસ સ્ટેશન ખાતે ગુનો નોંધવામાં આવ્યો હતો.

આ ગુનામાં પોલીસે બાઈકના માલિક મનસુખભાઈ લાખાભાઈ ભાલીયા જાતે કોળી (35) રહે. ભલગામ તાલુકો વાંકાનેર વાળાની ધરપકડ કરેલ છે અને વધુમાં પોલીસ સૂત્રો પાસેથી જાણવા મળતી માહિતી મુજબ તેઓની માલિકીનું બાઈક નંબર જીજે 36 એજી 7951 લઈને તેનો સગીર વયનો દીકરો નેશનલ હાઈવે રોડ ઉપર બાઈક સૂતા સૂતા ચલાવીને જોખમી સ્ટંટ કરતો જોવા મળ્યો હતો જેથી પોલીસે કાયદાના સંદર્ભમાં આવેલ બાળ કિશોરની પૂછપરછ કરીને તેને તેના વાલીને સોંપી દીધેલ છે

જો, નેશનલ હાઈવે રોડ ઉપર બાઈક સુતા સુતા ચલાવીને આ સગીર સ્ટંટ કરતો હતો ત્યારે કોઈ અકસ્માત કે દુર્ઘટના બને તો તેના અને અન્ય લોકોના જીવનું જોખમ ઊભું થાય તેવી શક્યતા હતી જેથી પોલીસે કાયદાનો ભંગ કરીને અન્ય લોકોના પણ જીવ જોખમમાં મુકાય તેવા બાઈકના સ્ટંટ કરનારા સામે કાર્યવાહી કરી છે અને જો આ ગુનામાં આકરા પગલાં લેવામાં આવે તો જ આવી પ્રવૃત્તિઓ ઉપર ભવિષ્યમાં બ્રેક લાગશે.