વાંકાનેર નજીક રાતીદેવરી પાસે નદીના પુલ ઉપર બાઈકના જોખમી સ્ટંટ કરનાર શખ્સને દબોચ્યો
SHARE
JOIN OUR GROUP
વાંકાનેર નજીક રાતીદેવરી પાસે નદીના પુલ ઉપર બાઈકના જોખમી સ્ટંટ કરનાર શખ્સને દબોચ્યો
વાંકાનેર તાલુકાનાં પંચાસીયા રોડ રાતીદેવરી ગામ પાસે આવેલ આહોઇ નદીના બ્રીજના રોડ બાઈકના જોખમી સ્ટંટ કરવામાં આવ્યા હતા જે વિડીયો ધ્યાને આવતાની સાથે જ પોલીસે બાઈકના સ્ટંટ કરનારા શખ્સને શોધીને તેને કાયદાનું ભાન કરાવ્યુ હતું.
મોરબીના એસપી રાહુલ ત્રિપાઠી દ્વારા જીલ્લામાં ટ્રાફિક નિયમોનુ ચુસ્તપણે પાલન થાય અને ટ્રાફિક નિયમોનુ ઉલ્લંઘન કરતા વાહન ચાલકો સામે કાર્યવાહી કરવા માટે સૂચના આપવામાં આવેલ છે જેથી ટ્રાફીક શાખાના પીઆઇ કે.એમ.છાસીયા અને તેની ટિમ કામ કરી રહી છે તેવામાં પીએસઆઇ ડી.બી.ઠક્કર તથા સ્ટાફના માણસો ટ્રાફિક નિયમનની કામગીરીમાં કાર્યરત હતા ત્યારે ઇન્સ્ટગ્રામ સોશ્યલ મીડીયા પેઇઝ ઉપર એક શખ્સનો બાઈકના સ્ટંટ કરતો વાઇરલ વિડિયો ધ્યાને આવ્યો હતો જેથી કરીને તાત્કાલિક કાર્યવાહી કરીને વાંકાનેરના પંચાસીયા રોડ રાતીદેવરી ગામ પાસે આવેલ આહોઇ નદીના બ્રીજના રોડ ઉપર બાઈકના સ્ટંટ કર્યા હોવાનું સામે આવ્યું હતું જેથી કરીને વાયરલ થયેલ વિડીયોમાં વાહનના નં. જીજે 3 એચસી 8736 વાળાને શોધવા માટેની કવાયત શરૂ કરી હતી અને આરોપી સાગરકુમાર અશોકભાઇ વરાણીયા (21) રહે. નવાગામ (લખધીરનગર) તાલુકો મોરબી વાળો હોવાનું સામે આવ્યું હતું જેથી તેને પકડીને પુછપરછ કરતા પોતે બાઈકના સ્ટંટ કર્યા હોવાનું કબલ્યુ હતું. જેથી વાંકાનેર સીટી પોલીસ સ્ટેશનમાં તેની સામે ગુનો નોંધીને આગળની કાર્યવાહી કરેલ છે.
