મોરબીમાં મહિલાએ વધુ પડતી તાવ-કેલ્શિયમની ટીકડીઓ પી લેતા સારવારમાં
Morbi Today
મોરબીમાં ગૌવંશ ઉપર તીક્ષ્ણ હથિયાર વડે હુમલો કરનારા શખ્સને પકડીને પોલીસે કાર્યવાહી કરી
SHARE
JOIN OUR GROUP
મોરબીમાં ગૌવંશ ઉપર તીક્ષ્ણ હથિયાર વડે હુમલો કરનારા શખ્સને પકડીને પોલીસે કાર્યવાહી કરી
મોરબીમાં સોની બજાર પાસે આવેલ ગામોટ શેરીમાં રજડતા ખુટીયા ઉપર ધારદાર હથિયાર વડે હુમલો કરવામાં આવ્યો હતો જેથી કરીને તેને થાપાના ભાગે ઇજા થયેલ હતી જે બનાવ સંદર્ભે ગૌરક્ષક દ્વારા મોરબી એ ડિવિઝન પોલીસ સ્ટેશને અજાણ્યા શખ્સની સામે ફરિયાદ નોંધાવવામાં આવી હતી જેના આધારે પોલીસે આરોપીને પકડીને આગળની કાર્યવાહી કરી હતી.
જાણવા મળતી માહિતી મુજબ મોરબીના લીલાપર રોડ ઉપર આવેલ બોરીચાવાસમાં રહેતા કમલેશભાઈ ભગવાનજીભાઈ રંજા જાતે બોરીચા (29)એ અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવી હતી કે, મોરબીમાં સોની બજાર ગામોટ શેરી પાસે કોઈ અજાણ્યા શખ્સ દ્વારા ધારદાર હથિયાર વડે રજડતા ખુટીયાને થાપાના ભાગે ગંભીર ઈજા કરવામાં આવી છે જેથી કરીને ગૌરક્ષક દ્વારા નોંધવામાં આવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી હતી અને આ ગુનામાં પી.એસ.આઇ. સી.એમ. કરકર અને તેની ટીમે ઇમ્તિયાઝ હમીદભાઈ નાગોરી સિપાહી (28) હાલ રહે. હસનપર ફાટક પાસે વાંકાનેર મૂળ રહે. મોરબી વાળાને પકડીને તેની પાસે કાયદેસરની કાર્યવાહી કરી હતી.
ફીનાઇલ પી લીધું
મોરબીના ઇન્દિરાનગર વિસ્તારમાં રહેતા દીપક બચુભાઈ પરમાર (45) નામના યુવાને માળિયા ફાટક નજીક કોઈ કારણોસર ફીનાઇલ પી લીધું હતું જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ હિતેશભાઈ મકવાણા દ્વારા કરવામાં આવી હતી
