જાણવા મળતી પ્રમાણે માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના છાત્રાલય રોડ ઉપર ચંદ્રેશનગર મેઇન રોડ ઉપર આવેલ નીલકંઠ સોસાયટી પાસે ગ્રાઉન્ડમાં અલ્ટો ગાડી નંબર જીજે 3 પીઆર 0653 પાર્ક કરીને મૂકવામાં આવી હતી જે ગાડી ની અંદર દારૂનો જથ્થો હોવાની હકીકત મળી હોય પોલીસે તે ગાડીને ચેક કરી હતી ત્યારે ગાડીમાંથી જુદી જુદી બ્રાન્ડની દારૂની 39 બોટલો તથા બિયરના 24 ટીન મળી આવ્યા હતા જેથી કરીને પોલીસે 26,125 ની કિંમત નો દારૂનો જથ્થો તથા 1000 રૂપિયાની કિંમતનો એક મોબાઇલ ફોન અને અલ્ટો ગાડી આમ કુલ મળીને 1,27,125 ની કિંમતનો મુદામાલ સ્થળ ઉપરથી કબજે કર્યો છે અને આરોપી હાજર ન હોવાથી બળવંતભાઈ ગોવિંદભાઈ ચાવડા રહે નીલકંઠ સોસાયટી છાત્રાલય રોડ મોરબી વાળાની સામે મોરબી એ ડિવિઝન પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે

 

મોરબીના વજેપર વિસ્તાર શેરી નં-4 માં રહેતા હરેશભાઈ વસંતભાઈ કંઝરિયા (35) નામનો યુવાન મોરબીના બાયપાસ રોડ ઉપર આવેલ કામધેનુ પાર્ટી પ્લોટ સામે ફાર્મ હાઉસમાં દવાનો છંટકાવ કરી રહ્યો હતો ત્યારે તેને ઝેરી અસર થવાના કારણે તે યુવાનને સારવાર માટે મોરબીની ક્રિષ્ના હોસ્પિટલ ખાતે સારવાર માટે આવ્યા હતા અને ત્યાં તેને સારવાર આપ્યા બાદ આ બનાવની એ ડિવિઝન પોલીસને જાણ કરવામાં આવી હતી જેથી કરીને પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી હતી