મોરબીના ધારાસભ્ય, જિલ્લા ભાજપ પ્રમુખ અને સાંસદ સહિતનાએ પ્રધાનમંત્રીને રૂબરૂ અભિનંદન પાઠવ્યા

દેશના પ્રધાનમંત્રી તરીકે નરેન્દ્ર મોદીએ ત્રીજી વખત પદભાર સંભાળ્યો છે ત્યાર બાદ મોરબી માળીયાના ધારાસભ્ય કાંતિભાઈ અમૃતિયા, સાંસદ ચંદુભાઈ શિહોરા, મોરબી જિલ્લા ભાજપના પ્રમુખ રણછોડભાઈ દલવાડી, મોરબી જીલા ભાજપના મહામંત્રી જેઠાભાઇ મિયાત્રા અને હળવદના ભાજપના આગેવાન અજયભાઈ રાવલ સહિતના દિલ્હી પહોચ્યા હતા અને ત્રીજી વખત ભારત દેશના પ્રધાનમંત્રી તરીકે શપથ ગ્રહણ કરવા બદલ અભિનંદન પાઠવ્યા હતા ત્યારે મોરબી જિલ્લાના સર્વાંગી વિકાસ વિષે પ્રધાનમંત્રીને અવગત કર્યા હતા. અને પ્રધાનમંત્રી નરેન્દ્ર મોદીનું બહુમૂલ્ય માર્ગદર્શન પ્રાપ્ત કર્યું હતું.