વાંકાનેરના ગામડાઓની પ્રાથમિક શાળાના વિદ્યાર્થીઓ માટે સ્વચ્છતા જાગૃતિ બાબતે ક્વિઝ સ્પર્ધા યોજાઈ

મોરબી જિલ્લામાં પણ સ્વચ્છતા હી સેવા અભિયાનમાં વધુને વધુ લોકોને સાંકળી નિયમિત અલગ અલગ આયોજનો કરવામાં આવી રહ્યા છે. તેમાં પણ મુખ્યત્વે શાળાઓમાં વિવિધ સ્પર્ધાઓનું આયોજન કરવામાં આવી રહ્યું છે. શાળામાં રહેલું બાળક આ વિવિધ બાબતો સમજે તો નાનપણથી જ એક જાગૃત અને સમજદાર નાગરિક બને છે ઉપરાંત તે જાગૃત બની પરિવારને પણ જાગૃત બનાવે છે. જેથી મોરબીમાં વાંકાનેર તાલુકાના ગારેડા મહીકા કોઠી જોધપર ગારીયા અને લિંબાળા સહિતના ગામોમાં સ્વચ્છતા હી સેવા અભિયાન હેઠળ સ્વચ્છતા અંગે જાગૃતિ ની થીમ સાથે ક્વિઝ સ્પર્ધાનું આયોજન કરવામાં આવ્યું હતું. જિલ્લા વ્યાપી સ્વચ્છતા ઝુંબેશના ભાગરૂપે આયોજિત ક્વિઝ સ્પર્ધામાં વિજેતા બાળકોને સન્માનિત કરવામાં આવ્યા હતા અને શાળાના શિક્ષકો દ્વારા દ્યાર્થીઓને સ્વચ્છાગ્રહી બનવા તથા અન્યને પણ સ્વચ્છતા નું મહત્વ સમજાવવા જાગૃત કરવામાં આવ્યા હતા.