મોરબીની બ્લુઝોન વિટ્રીફાઇડ ઇન્ડસ્ટ્રીઝની મુલાકાત લેતા કેન્યાના એમ્બેસેડર
Morbi Today
મોરબીના માળિયા ફાટકેથી ચોરાઉ રીક્ષા સાથે ઝડપાયેલા શખ્સની અટકાયત
SHARE
JOIN OUR GROUP
મોરબીના માળિયા ફાટકેથી ચોરાઉ રીક્ષા સાથે ઝડપાયેલા શખ્સની અટકાયત
મોરબી સીટી બી ડિવિઝન પોલીસ સ્ટાફ નાઇટ રાઉન્ડમાં હતો ત્યારે શંકાસ્પદ રીક્ષા નજરે પડતાં તેને અટકાવીને ચાલક પાસે રિક્ષાના આધાર પુરાવા માગ્યા હતા જોકે ચાલક પાસે રિક્ષા અંગેના કોઇ આધાર પુરાવાઓ ન હોય અને ગલ્લાં તલ્લાં કરવા લાગતાં તેને પોલીસ સ્ટેશને લાવીને ઉલટ તપાસ કરવામાં આવી હતી. જેથી કરીને ઉપરોક્ત રીક્ષા ચોરી કરી હોવાનું હાલ ખુલ્યું હોય પકડાયેલા શખ્સની અટકાયત કરીને આગળની તપાસ શરૂ કરવા આવેલ છે.
મોરબી સીટી બી ડિવિઝન પોલીસ સૂત્રોમાંથી મળતી માહિતી મુજબ હેડ કોન્સ્ટેબલ ડી.એચ.બાવળીયા, કીર્તિસિંહ સહિતનો સ્ટાફ નાઇટ રાઉન્ડમાં હતો ત્યારે શહેરના સામાકાંઠે માળીયા ફાટક પાસે શંકાસ્પદ સીએનજી ઓટો રીક્ષા નંબર જીજે ૧૩ એવી ૭૫૭૩ (વર્ષ ૨૦૧૮) કિંમત રૂા.૮૦,૦૦૦ ને અટકાવીને તેની સાથે મળી આવેલા મિનપ્રસાદ વસંતપ્રસાદ ભુષાલ જાતે બ્રાહ્મણ (ઉ.વ.૧૯) હાલ રહે.મોરબી વીસીપરા ચાર ગોડાઉન પાસે ગુલાબનગર મૂળ રહે.નેપાળવાળાની પાસે રિક્ષાના કાગળ માંગ્યા હતા.જોકે રીક્ષાચાલક પાસેથી આ અંગેના કોઇ આધાર પુરાવાઓ કે કાગળ ન હોય હાલ શંકપડકી મિલ્કત તરીકે રીક્ષાને જપ્ત કરીને રીક્ષા સાથે મળી આવેલા મિનપ્રસાદ વસંતપ્રકાશ ભૂષલની અટકાયત કરીને બી ડિવિઝન પોલીસે આ અંગે આગળની તપાસ હાથ ધરી છે.
મારામારી-વાહન અકસ્માતમાં ઇજા
મોરબીમાં સામાકાંઠે માળીયા વનાળીયા સોસાયટીમાં રહેતા મોહનભાઈ હરિભાઈ ચાવડા (૫૨) નામના આધેડને તેમના ઘર પાસે કોઈ બાબતે થયેલા ઝઘડા બાદની મારામારીમાં ઇજાઓ થતા તેઓને સિવિલ હોસ્પિટલ ખાતે સારવારમાં ખસેડાયા હતા.જ્યારે મોરબીના લાતી પ્લોટ નજીક આવેલ ઘનશ્યામ બિલ્ડીંગની પાસે રહેતા ભીખુભાઇ સીદીભાઇ બારોટ નામના ૬૪ વર્ષીય વૃદ્ધ સાયકલ લઈને જતા હતા ત્યારે સાવસર પ્લોટ વિસ્તારમાં ખુટીયાએ તેમને સાયકલ સહિત હડફેટે લેતાં ઈજાગ્રસ્ત થયેલા ભીખુભાઈ બારોટને સારવારમાં ખસેડાયા હતા.જ્યારે મોરબીના વાંકાનેર હાઇવે ઉપર ઢુવા ગામે વરમોરા સિરામીત પાસેના ફ્રીડમ સીરામીકમાં રહેતા રવિન્દ્રભાઈ રમણભાઈ પટેલીયા નામનો ૧૮ વર્ષીય યુવાન સાયકલમાં જતો હતો ત્યારે તેને વાહન અકસ્માતમાં ઇજા થતાં તેને પણ સારવારમાં ખસેડાયો હતો.
