મોરબીમાં ટ્રાન્સપોર્ટના ગોડાઉનમાંથી દારૂની 848 બોટલ ભરેલ સાત બેરલ કબજે, આરોપીની શોધખોળ
SHARE
JOIN OUR GROUP
મોરબીમાં ટ્રાન્સપોર્ટના ગોડાઉનમાંથી દારૂની 848 બોટલ ભરેલ સાત બેરલ કબજે, આરોપીની શોધખોળ
મોરબીના લાતી પ્લોટ મેઇન રોડ ઉપર શેરી નં-5 પાસે આવેલ જલારામ મંદિરની પાછળના ભાગમાં ટ્રાન્સપોર્ટના ગોડાઉનમાં એલસીબીની ટીમ દ્વારા રેડ કરવામાં આવી હતી ત્યારે જુદા જુદા પ્લાસ્ટિકના સાત ડ્રમમાંથી દારૂની નાની મોટી 848 બોટલો મળી આવી હતી જેથી કરીને પોલીસે દારૂ તથા પ્લાસ્ટિકના ડ્રમ મળીને 2,57,500 ની કિંમતનો મુદ્દામાલ કબજે કર્યો હતો અને ટ્રાન્સપોર્ટ મારફતે દારૂનો જથ્થો મંગાવનાર તથા મોકલનાર સામે હાલમાં એ ડિવિઝન પોલીસ સ્ટેશન ખાતે ગુનો નોંધીને આરોપીઓને પકડવા માટે તજવીજ શરૂ કરી છે
જાણવા મળતી માહિતી મુજબ મોરબી એલસીબીની ટીમના ચંદુભાઈ કલોતરા, ઈશ્વરભાઈ કલોતરા, દશરથસિંહ પરમાર અને ભરતભાઈ જીલરીયાને મળેલ બાતમી આધારે મોરબીના લાતી પ્લોટ મેઇન રોડ ઉપર શેરી નં-5 પાસે જલારામ મંદિરની પાછળના ભાગમાં આવેલ લાલજી મૂળજી ટ્રાન્સપોર્ટના ગોડાઉનમાં દારૂની રેડ કરવામાં આવી હતી ત્યારે ત્યાં સ્થળ ઉપરથી પ્લાસ્ટિકના જુદા જુદા સાત બેરલમાંથી દારૂની નાની મોટી 848 બોટલો મળી આવી હતી જેથી કરીને 2.54 લાખ રૂપિયાની કિંમતનો દારૂનો જથ્થો તથા 3500 ની કિંમતના પ્લાસ્ટિકના બેરલ આમ કુલ મળીને 2,57,500 ની કિંમતનો મુદ્દામાલ કબજે કરવામાં આવ્યો છે અને ટ્રાન્સપોર્ટ મારફતે દારૂનો જથ્થો મંગાવનાર શખ્સ તથા માલ મોકલાવનારની સામે મોરબી એ ડિવિઝન પોલીસ સ્ટેશન ખાતે ગુનો નોંધીને આરોપીઓને પકડવા માટે તજવીજ શરૂ કરવામાં આવી છે
