ટંકારાના સરાયા ગામે માલીકીની જમીનમાં સફાઈ કરતાં બે ભાઈને છરીના ઘા ઝીકયા, હુમલો કરનારા ચાર શખ્સની સામે નોંધાયો ગુનો

ટંકારાના સરાયા ગામે માલિકીની જમીન બાબતે સિવિલ દાવો ચાલી રહ્યો છે અને યુવાન તેના ભાઈની સાથે જમીનની સાફ-સફાઈ કરવા માટે ગયો હતો ત્યારે સામેવાળા ચાર શખ્સોએ છરી અને ધોકા વડે હુમલો કર્યો હતો ત્યારે યુવાન તેમજ તેના ભાઈને છરીના ઘા માર્યા હતા અને ઢીકાપાટનો માર મારીને જાનથી નાખવાની ધમકી આપી હતી જેથી ભોગ બનેલા યુવાને સારવાર લીધા બાદ ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ચાર શખ્સોની સામે ગુનો નોંધી આરોપીઓને પકડવા માટે તજવીજ શરૂ કરી છે

જાણવા મળતી માહિતી પ્રમાણે ટંકારા તાલુકાના નેસડા ગામે રહેતા અબ્દુલભાઈ અભરામભાઈ કેડ (35) એ હાલમાં ટંકારા તાલુકા પોલીસ સ્ટેશન ખાતે અબ્દુલ જુમાભાઈ કેડા, વસીમ અબ્દુલભાઈ કેડા, દિલાવર જુસબભાઈ વિકિયાણી અને દિલાવરનો દીકરો આમ કુલ ચાર શખ્સોની સામે  ફરિયાદ નોંધાવેલ છે જેમાં તેને જણાવ્યુ છે કે, તેના પિતાના નામની સરાયા ગામે સર્વે નં-2 પૈકી 26 ની માલિકીની જમીન આવેલ છે અને તે જમીન બાબતે કોર્ટમાં સિવિલ દાવો ચાલુ છે જો કે, ફરિયાદી તેના ભાઈની સાથે જમીનની સાફ-સફાઈ કરતા હતા ત્યારે આરોપીઓને તે સારું નહીં લાગતા ફરિયાદી તથા તેની સાથે રહેલ તેના ભાઈ સલીમભાઈ અભરામભાઈ કેડ સાથે બોલાચાલી ઝઘડો કર્યો હતો અને ગાળો આપીને આરોપી વસીમ કેડએ તેની પાસે રહેલ છરી વડે ફરિયાદી યુવાનને છાતીના ભાગે બગલ પાસે એક ઘા માર્યો હતો અને અબ્દુલ કેડએ પીઠના ભાગે પાંચેક ઘા માર્યા હતા. તેવી જ રીતે સલીમભાઈને પણ વસીમ કેડએ જમણા પડખાના ભાગે છરીનો એક ઘા માર્યો હતો અને દિલાવર તથા તેના દીકરાએ ફરિયાદી અને તેના ભાઈને ઢીકાપાટુનો માર મારીને બંને ભાઈઓને જાનથી મારી નાખવાની ધમકી આપી હતી જેથી ભોગ બનેલા યુવાન અને તેના ભાઈને સારવાર માટે હોસ્પિટલે ખસેડવામાં આવ્યા હતા ત્યારબાદ યુવાને નોંધાવેલ ફરિયાદ આધારે પોલીસે ચાર શખ્સોની સામે ગુનો નોંધી આરોપીઓને પકડવા માટે તજવીજ શરૂ કરી છે.