માળીયા (મી)-હળવદના ખેડૂતોને સિચાઈ માટે કેનાલમાંથી એક સપ્તાહમાં પાણી મળી જશે: ધારાસભ્ય
Morbi Today
મોરબીના બહાદુરગઢ ગામના પાટીયા પાસેથી દૂધ લેવા જઇ રહેલા યુવાનને ટ્રક ચાલકે કચડી નાખ્યો
SHARE
JOIN OUR GROUP
મોરબીના બહાદુરગઢ ગામના પાટીયા પાસેથી દૂધ લેવા જઇ રહેલા યુવાનને ટ્રક ચાલકે કચડી નાખ્યો
મોરબી માળિયા હાઇવે રોડ પર આવેલ બહાદુરગઢ ગામના પાટીયા પાસેથી યુવાન બાઈક લઈને દૂધ લેવા માટે થઈને જતો હતો દરમિયાન ટ્રક ચાલકે તેના બાઇકને હડફેટે લીધું હતું અને ત્યારે તે યુવાનના પેટ અને પગના ભાગ ઉપરથી ટ્રકના વ્હીલ ફરી જવાના કારણે તેનું મોત નીપજયું હતું આ બનાવ સંદર્ભે મૃતક યુવાનના ભાઈએ મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મૂળ મહીસાગર જિલ્લાના રહેવાસી અને હાલમાં મોરબી તાલુકાના જૂના નાગડાવાસ ગામની સીમમાં ખોડીયાર માતાજીનાં મંદિર પાસે ઝૂંપડામાં રહેતા લક્ષ્મણભાઈ કોયાભાઈ ડીંડોર જાતે આદિવાસી (33)એ હાલમાં મોરબી તાલુકા પોલીસ સ્ટેશન ખાતે ટ્રક નંબર આરજે 52 જીબી 6779 ના ચાલક સામે ફરિયાદ નોંધાવેલ છે જેમાં જણાવ્યું છે કે, તેઓનો નાનો ભાઈ નિલેશ કોયાભાઈ ડીંડોર (21) તેનું બાઈક નંબર જીજે 12 ડીપી 4375 લઈને દૂધ રહેવા માટે થઈને મોરબી તાલુકાના બહાદુરગઢ ગામના પાટીયા પાસે આવેલ એરોન કારખાના સામેથી પસાર થઈ રહ્યો હતો દરમિયાન તેના બાઇકને પાછળથી ટ્રક ચાલકે હડફેટે લેતા અકસ્માતનો બનાવ બન્યો હતો અને બાઇક લઈને જઈ રહેલ ફરિયાદીનો ભાઈ રસ્તા ઉપર નીચે પડતા નિલેશભાઈના પેટ અને પગના ભાગ ઉપરથી ટ્રકના વ્હીલ ફરી ગયા હતા જેથી તેને ગંભીર ઇજા થયેલ હોવાથી તેનું મોત નીપજયું હતું. અને અકસ્માત મૃત્યુના બનાવ બાદ ટ્રક ચાલક પોતાનું વાહન લઈને સ્થળ ઉપરથી નાસી ગયો હતો જેથી આ બનાવ સંદર્ભે હાલમાં મૃતક યુવાનના ભાઈએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધીને આરોપીને પકડવા માટે તજવીજ શરૂ કરી છે
