મોરબીના બહાદુરગઢ ગામના પાટીયા પાસેથી દૂધ લેવા જઇ રહેલા યુવાનને ટ્રક ચાલકે કચડી નાખ્યો
Morbi Today
મોરબીના કાલિકા પ્લોટમાં યુવાન અને તેના પત્નીને નજીવી વાતમાં બે શખ્સોએ ધોકા-પાઇપથી મારમાર્યો
SHARE
JOIN OUR GROUP
મોરબીના કાલિકા પ્લોટમાં યુવાન અને તેના પત્નીને નજીવી વાતમાં બે શખ્સોએ ધોકા-પાઇપથી મારમાર્યો
મોરબીના કાલિકા પ્લોટ શેરી નં-4 માં રહેતા યુવાનના ઘરના પાછળના ભાગે આવેલ નવેરામાં પતરા મારીને તેને બંધ કરતા હતા જે બાબતે યુવાને બે શખ્સોને કહ્યું હતું જે તેને સારું નહીં લાગતા લાકડાના ધોકા અને પાઇપ સાથે યુવાનના ઘરમાં આવીને યુવાનને માર માર્યો હતો તથા તેના પત્નીને પણ ઢીકાપાટુનો મારમારીને ધક્કો માર્યો હતો ત્યારબાદ જાહેરમાં શેરીમાં ઊભા રહીને યુવાનને જ્ઞાતિ પ્રત્યે હડધૂત કરીને “હવે તમે અહીં કેમ રહો છો ? અમે જોઈ લેશું” તેવું કહીને જાનથી મારી નાખવાની ધમકી આપી હતી. જેથી ભોગ બનેલા યુવાને બે શખ્સોની સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી પ્રમાણે મોરબીમાં આવેલ કાલિકા શેરી નં-4 માં રામદેવપીરના મંદિર પાસે રહેતા મિલનભાઈ પોપટભાઈ જાદવ (30) એ હાલમાં ઈબ્રાહીમભાઇ ઉર્ફે કાળુકાકા લંજા અને સિરાજ દાઉદભાઈ લંજા રહે. બંને કાલિકા પ્લોટ શેરી નં-4 મોરબી વાળા સામે એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે, ઈબ્રાહીમભાઇ લંજા ફરિયાદીના મકાનની પાછળના ભાગમાં આવેલ નવેરામાં પતરા મારીને બંધ કરતા હતા જે બાબતે ફરિયાદીએ તેમને કહ્યું હતું જે તેને સારું નહીં લાગતા તેઓ લાકડાના ધોકો સાથે અને સિરાજ લંજા હાથમાં લોખંડનો પાઇપ લઈને ફરિયાદીના ઘરમાં આવ્યા હતા અને ઘરમાં ઉપરના માળે જઈને ફરિયાદીને સિરાજ લંજાએ પાઇપ વડે માથા અને વાસાના ભાગે માર મારીને ઇજા કરી હતી તેમજ ઈબ્રાહીમભાઇએ ફરિયાદી સાથે ઝપાઝપી કરીને માર માર્યો હતો. આટલું જ નહીં સિરાજ લંજાએ ફરિયાદીના પત્નીને ઢીકાપાટુનો માર મારીને ધક્કો મારીને ઇજા કરી હતી ત્યારબાદ બંને આરોપીઓ ફરિયાદીના ઘરમાંથી નીચે ઉતરી ગયા હતા અને જાહેરમાં ઊભા રહીને ફરિયાદી યુવાનને જ્ઞાતિ પ્રત્યે હડધૂત કરીને “હવે અહીં કેમ રહો છો ? અમે જોઇ લેશું” તેવું કહીને જાનથી મારી નાખવાની ધમકી આપી હતી તેમજ ગાળો આપી હતી જેથી ભોગ બનેલા યુવાને સારવાર લીધા બાદ નોંધાવેલ ફરિયાદ આધારે પોલીસે એટ્રોસિટી સહિતની કલમ હેઠળ ગુનો નોંધીને આરોપીને પકડવા માટે તજવીજ શરૂ કરી છે અને આ અંગેની આગળની તપાસ ડીવાયએસપી પી.એ.ઝાલા ચલાવી રહ્યા છે.
