મોરબીમાં ત્રિકોણબાગના પાર્કિંગમાંથી આધેડના બાઈકની ચોરી: મોરબીમાં સ્પામાંથી એક બોટલ દારૂ ઝડપાયો

મોરબીમાં ત્રિકોણબાગના પાર્કિંગમાં આધેડે પોતાનું બાઈક પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે. જેથી કરીને 40 હજાર રૂપિયાની કિંમતના બાઈકની ચોરી થઈ હોવાની આધેડે મોરબી એ ડિવિઝન પોલીસ સ્ટેશન ખાતે ફરિયાદ નોંધાવેલ છે

જાણવા મળતી માહિતી મુજબ મોરબીના આલાપ રોડ ઉપર આવેલ પટેલ નગરમાં લવકુશ એપાર્ટમેન્ટ ફ્લેટ નં- 502 માં રહેતા નિલેશભાઈ મોહનભાઈ કંઝારીયા (50)એ અજાણ્ય શખ્સની સામે વાહન ચોરીની ફરિયાદ નોંધાવેલ છે જેમાં તેને જણાવ્યું છે કે, મોરબીમાં પરાબજાર પાસે આવેલ ત્રિકોણબાગના પાર્કિંગમાં ફરિયાદી તેનું બાઈક નંબર જીજે 36 એ 8751 પાર્ક કરીને મૂક્યું હતું જે ૪૦ હજાર રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલ યુવાને નોંધાવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે.

સ્પામાંથી એક બોટલ દારૂ ઝડપાયો

મોરબી નજીકના મહેન્દ્રનગર ગામ પાસે રામધન આશ્રમની સામેના ભાગમાં આવેલ કોમ્પલેક્ષમાં બીજા માળે આવેલ સન સ્પામાં દારૂની રેડ કરી હતી ત્યારે ત્યાંથી દારૂની એક બોટલ મળી આવતા પોલીસે 2,000 ની કિંમતની દારૂની બોટલ સાથે આરોપી મોહમ્મદ ઝેડ મહંમદજાવેદ ખાન (19) રહે, સન સ્પા મહેન્દ્રનગર મોરબી વાળાની ધરપકડ કરી હતી અને તેની સામે બી ડિવિઝન પોલીસ સ્ટેશન ખાતે ગુનો નોંધાયો છે અને તેની પાસેથી મળી આવેલ દારૂની બોટલ તે ક્યાંથી લાવ્યો હતો તે દિશામાં પોલીસે તપાસ હાથ ધરી છે