મોરબીમાં રસોડાના પ્લેટફોર્મ ઉપરથી નીચે પડી ગયેલ દોઢ વર્ષના બાળકને વધુ સારવાર માટે રાજકોટ ખસેડાયો
Morbi Today
વાંકાનેરની ઢુવા ચોકડી પાસે હોટલની પાછળના ભાગમાં દારૂની 12 બોટલ-9 લિટર દારૂ સાથે એક પકડાયો, એકની શોધખોળ
SHARE
JOIN OUR GROUP
વાંકાનેરની ઢુવા ચોકડી પાસે હોટલની પાછળના ભાગમાં દારૂની 12 બોટલ-9 લિટર દારૂ સાથે એક પકડાયો, એકની શોધખોળ
વાંકાનેર તાલુકાની ઢુવા ચોકડી પાસે હોટલની પાછળના ભાગમાં દારૂની રેડ કરવામાં આવી હતી ત્યારે ત્યાં સ્થળ ઉપરથી દારૂની બાર બોટલો તથા દેશી દારૂનો જથ્થો મળી આવતા પોલીસે 1,800 રૂપિયાના દારૂના જથ્થા સાથે એક આરોપીની ધરપકડ કરેલ છે અને એક શખ્સનું નામ સામે આવતા પોલીસ તેને પકડવા માટે તજવીજ શરૂ કરી છે
જાણવા મળતી માહિતી મુજબ વાંકાનેર તાલુકા વિસ્તારમાં પોલીસ પેટ્રોલિંગમાં હતી ત્યારે ઢુવા ચોકડી પાસે આવેલ ભવાની હોટલની પાછળના ભાગમાં રામ પ્લાઝા રાજ શક્તિ પાર્લરમાં દારૂની રેડ કરી હતી ત્યારે ત્યાં સ્થળ ઉપરથી દારૂની મોટી 12 બોટલો તથા નવ લીટર દેશી દારૂનો જથ્થો મળી આવ્યો હતો જેથી કરીને પોલીસે દારૂનો જથ્થો કબજે કરીને આરોપી યુવરાજસિંહ દિગ્વિજયસિંહ સરવૈયા (33) રહે. ભાયાતી જાંબુડીયા તાલુકો વાંકાનેર વાળાની ધરપકડ કરી હતી અને તેની પ્રાથમિક પૂછપરછમાં મહાવીરસિંહ ગનુભા ઝાલા રહે. ભાયાતિ જાંબુડીયા તાલુકો વાંકાનેર વાળાનું નામ સામે આવ્યું હતું જેથી તે બંનેની સામે ગુનો નોંધી બાકીના આરોપીને પકડવા માટે પોલીસે તજવીજ શરૂ કરી છે.
દેશી દારૂ
મોરબી તાલુકાના વીરપરડા ગામની સીમમાં આવેલ ઇટાલવા પ્લાયવુડ નામના કારખાના સામેથી પસાર થતી સ્વીફ્ટ કાર નંબર જીજે 36 એજે 5767 ને રોકીને પોલીસે ચેક કરતા તેમાંથી 21 લીટર દેશી દારૂ જથ્થો મળી આવ્યો હતો જેથી કરીને 4200 ની કિંમતનો દારૂનો જથ્થો તથા ત્રણ લાખ રૂપિયાની કિંમતનો ગાડી આમ કુલ મળીને 3,04,200 રૂપિયાની કિંમતના મુદ્દામાલ સાથે પોલીસે આરોપી અક્ષય વિનુભાઈ સોલંકી (27) રહે. મોડપર તાલુકો મોરબી વાળાની ધરપકડ કરી હતી અને તેની પૂછપરછ દરમિયાન આ દારૂનો જથ્થો તેને અશોક નરસીભાઈ દેવીપુજક રહે. મોડપર વાળા પાસેથી મેળવ્યો હોવાનું સામે આવતા બંને શખ્સોની સામે મોરબી તાલુકા પોલીસ સ્ટેશન ખાતે ગુનો નોંધાયો છે અને પોલીસે આરોપીને પકડવા માટે તજવીજ શરૂ કરી છે.
