મોરબીથી પ્રસંગમાં જતાં યુવાનના બાઇકને રિક્ષા ચાલકે ટક્કર મારતા અકસ્માત: પિતા-પુત્રને ફ્રેકચર

મોરબી તાલુકાના લાલપર ગામે રહેતો યુવાન તેની પત્ની અને દીકરા સાથે બાઈક ઉપર ચુલી ગામે સંબંધીના ઘરે પ્રસંગમાં જઈ રહ્યો હતો દરમિયાન જૂના ઘૂટું રોડે તેના બાઇકને રિક્ષા ચાલકે હડફેટે લેતા અકસ્માત થયો હતો જેમાં પિતા-પુત્રને ફેકચર જેવી ઇજાઓ થઈ હતી તેમજ મહિલાને મુંઢ ઇજા થયેલ હતી જેથી તેને સારવાર માટે ખસેડવામાં આવ્યા હતા અને ત્યાર બાદ યુવાને નોંધાવેલ ફરિયાદ આધારે પોલીસે રિક્ષા ચાલક સામે ગુનો નોંધી રાબેતા મુજબની કાર્યવાહી હાથ ધરી છે

જાણવા મળતી માહિતી પ્રમાણે મૂળ ચુલી ગામના રહેવાસી અને હાલમાં મોરબી તાલુકાના લાલપર ગામે નવદીપ વિદ્યાલય સામે રહેતા મુકેશભાઈ સોંડાભાઈ પલાણી (36)એ રિક્ષા નંબર જીજે 13 એવી 6656 ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, તે પોતાના પત્ની સોનલબેન તથા દીકરો જીગર (14)ને પોતાના બાઈક નંબર જીજે 13 એએસ 4506 મા બેસાડીને મોરબીથી ચુલી ગામ તરફ પોતાના સંબંધીના ઘરે પ્રસંગમાં જવા માટે નીકળ્યા હતા ત્યારે જૂના ઘૂટું રોડે આવેલ સેફાયર સીરામીક પાસે રોડ ઉપર રીક્ષા ચાલકે તેઓના બાઈકને હડફેટે લીધું હતું જેથી અકસ્માતનો બનાવ બન્યો હતો અને અકસ્માતના બનાવમાં ફરિયાદીને જમણા પગની ઘૂંટીના ભાગે ફેક્ચર થયું હતું અને તેના દીકરા જીગરને જમણા પગમાં બે જગ્યાએ ફ્રેક્ચર થયેલ છે અને તેના પત્ની સોનલબેનને મુંઢ ઇજાઓ થયેલ હતી જેથી આ ત્રણેય ઇજાગ્રસ્તોને સારવાર માટે હોસ્પિટલે ખસેડવામાં આવ્યા હતા અને સારવાર લીધા બાદ મુકેશભાઈ પલાણીએ નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે.