મોરબીના ગૌ રક્ષકોએ કતલખાને લઈ જવાતી 19 ભેસ-નાના મોટા પાડા બચાવ્યા: 25.51 લાખનો મુદામાલ કબ્જે, 7 શખ્સો સામે ગુનો નોંધાયો

મોરબીના ગૌ રક્ષકોને મળેલ હકકીત આધારે માળીયા હળવદ રોડ ભીમસર ચોકડી પાસે પોલીસને સાથે રાખીને વોચ રાખવામા આવી હતી ત્યારે જુદીજુદી પણ બોલેરો ગાડી ત્યાંથી નીકળી હતી જેને રોકવામાં આવી હતી અને ચેક કરવામાં આવતા તેમાં 19 ભેસ તથા નાના મોટા પાડાને લઈ જતાં હતા જેને બચાવવામાં આવ્યા છે અને હાલમાં માળીયા તાલુકા પોલીસ સ્ટેશન ખાતે 25.51 લાખનો મુદામાલ કબજે કરીને સાત શખ્સોની સામે ગુનો નોંધીને પોલીસે આગળની કાર્યવાહી કરેલ છે.

જાણવા મળતી માહિતી મુજબ મોરબીના લીલાપર રોડ બોરીચા વાસમાં રહેતા કમલેશભાઇ ભગવાનભાઇ રુંજા (36)એ માળીયા તાલુકા પોલીસ સ્ટેશન ખાતે હાલમાં ફારુક અબ્દુલરજાક જાત (28), સુલતાન સાડભાઇ જત (19), હમદા સલામ જત (23) રહે. ત્રણેય સાન્ધ્રો વાંધ સુભાષપર સનાન્ધ્રો તાલુકો લખપત, ઇદ્રિશભાઇ ગુલામભાઇ જત (25) અને સદામ અલીમામદ જત (20) રહે. બંને નાના સરડા ભગાડીયો ભગાડીયા તાલુકો ભુજ, ફારૂક સમંદ જત (29) રહે. તલવાઢ ગામ તલ જતાવીરા તાલુકો નખત્રાણા અને ફારૂક મામદખાન જત (20) રહે. છારી તાલુકો નખત્રાણા વાળાની  સામે ફરિયાદ નોંધાવેલ છે. જેમાં જણાવ્યુ  છે કે, માળીયા હળવદ રોડ ભીમસર ચોકડી પાસેથી બોલેરો ગાડીઓ લઈને આરોપીઓ નીકળ્યા હતા ત્યારે ફારુક અબ્દુલરજાક જાતની બોલેરો પીકઅપ ગાડી નંબર જીજે 12 સિટી 9186  માં 3 ભેંસ અને એક પાડો ભરેલ હતો, સુલતાન અને હમદાની બોલેરો પીકઅપ ગાડી નંબર જીજે 12 બી ઝેડ 9986 માં નાના મોટા 6 પાડા ભરેલ હતા જયારે  ઇદ્રિશભાઇ અને સદામની બોલેરો પીકઅપ ગાડી નંબર જીજે 12 સિટી 5640 માં 2 ભેંસ અને 3 પાડા ભરેલ હતા ફારૂક જતની બોલેરો પીકઅપ ગાડી નંબર જીજે 12 બી ઝેડ 4558 માં 2 ભેંસ ભરેલ હતી અને ફારૂક જત ની બોલેરો પીકઅપ ગાડી નંબર જીજે 12 બીએક્સ 8525 માં 1 ભેંસ 1 પાડા ભરેલ હતો અને અબોલ જીવને ક્રુરતા પુર્વક બાંધીને ગાડીમાં ઘાસચારા કે પાણીની કોઈ વ્યવસ્થા રાખવામા આવી ન હતી અને સક્ષમ અધિકારીનુ પાસ પરમીટ પણ ન હતું જેથી કુલ મળીને 19 ભેસ તથા નાના મોટા પાડા બચાવવામાં આવ્યા હતા અને અબોલ જીવ તેમજ વાહનો મળીને 25.51 લાખનો મુદામાલ કબજે કરીને માળીયા તાલુકા પોલીસ સ્ટેશન ખાતે પ્રાણી ક્રુરતા નિવારણ અધિ નીયમ 1960 ની ક્લમ 11(1) ડી.ઇ.એફ મુજબ ગુનો નોંધીને પોલીસે આગળની કાર્યવાહી કરેલ છે.