મોરબી પંથકમાં સસ્તામાં સોનાનું બિસ્કિટ અને અમેરિકન ડોલર આપવાનું કહીને લોકોની સાથે એક ગેંગ દ્વારા છેતરપિંડી કરવામાં આવી રહી હતી અને તેવામાં એલસીબીના પીએસઆઈને મળે બાતમીના આધારે પોલીસે મોરબીના કાંતિનગરમાથી અમેરિકન ડોલર તથા સોનાના બિસ્કીટ સસ્તામાં આપવાનું કહીને લોકોની સાથે છેતરપિંડી કરનારી ત્રિપુટીની ધરપકડ કરવામાં આવી છે અને તેની પાસેથી કાર સહિત પોલીસે હાલમાં ૨૦ લાખનો મુદામાલ કબજે કરેલ છે અને આ ગેંગની સામે માળીયા તાલુકા પોલીસ સ્ટેશન ખાતે ફરિયાદ નોંધવામાં આવી છે અને પાંચ આરોપીઓને પકડવા માટે તજવીજ ચાલી રહી છે

મોરબી એલસીબી.ના પીએસઆઈ એન.બી.ડાભી તથા લીવ રીઝર્વ પીએસઆઈ પી.જી.પનારા અને એલસીબી તેમજ એસઓજીના સ્ટાફ દ્વારા કામગીરી કરવામાં આવી રહી હતી ત્યારે પીએસઆઇ એન.બી.ડાભી તથા પીએસઆઇ પી.જી.પનારાને હકિકત મળેલ હતી કે હાસમભાઇ કરીમભાઇ મૌવર રહે. વીસીપરા મોરબી વાળો તેના સાગરીતો સાથે રાખી લાલ કલરની કીયા કાર લઇ માળીયા તરફ જનાર છે. જેને અગાઉ અનેક વખત અમેરીકન ડોલર તથા સોનાના બીસ્કીટ બતાવી લોકો સાથે ચીટીંગ કરેલ છે જે હકીકત આધારે તે ત્રણ ઇસમો રોકડા રૂપીયા, મોબાઇલ ફોન, અમેરીકન ડોલર, પીળી ધાતુના બીસ્કીટ સાથે મળી આવ્યા હતા અને તેને રોકી તેઓની પુછપરછ કરી હતી ત્યારે તેઓની પાસેથી મળી આવેલ રોકડા રૂપીયા, અમેરીકન ડોલર તથા પીળી ધાતુના બીસ્કીટ બાબતે પુછપરછ કરતા ત્રણેય ઇસમો તથા તેના અન્ય સાગરીતોએ મળી ગત તા.૧૭-૧૧ ના રોજ છેતરપિંડી કરી હોવાનું સામે આવ્યું હતુ

જેની પોલીસ પાસેથી મળતી માહિતી મુજબ માળીયા મિયાણા તાલુકામાં હરીપર ગોલાઇ પાસે બીપીનભાઇ અરજણભાઇ પરમાર રહે. લક્ષ્મીનગર તાલુકો મોરબી વાળાને અમેરીકન ડોલર અડધી કીંમતમાં આપવાના બહાને બોલાવી તેઓને અમેરીકન ડોલરનું બંડલ બતાવી તેઓ ડોલરનું બંડલ ગણતા હતા ત્યારે પોતાના અન્ય સાગરીતો પોલીસ બની ત્યાં રેઇડ કરવા માટે આવ્યા હતા અને તેઓની પાસેથી રોકડા રૂપીયા ૪,૫૦,૦૦૦ ની રકમ વિશ્વાસધાત કરીને લઈ લીધી હતી અને અમેરીકન ડોલરની નોટોનું બંડલ બીપીનભાઇને છેતરપીંડી કરવા બતાવેલ તે હોવાનું તેમજ લાલ કલરની કીયા કાર પણ આ ગુનામાં ઉપયોગ થયેલ હતી અને બાકીની રકમ તેમજ પીળી ધાતુના બીસ્કીટ બાબતે કોઇ સંતોષકારક જવાબ આરોપીઓ પાસેથી મળ્યો ન હતો જેથી આ બાબતે માળીયા મિંયાણા પોલીસ મથકે પકડાયેલ ત્રણેય ઇસમો મુકેશભાઇ ઉર્ફે લાલો, હાસમભાઇ કરીમભાઇ મૌવર અને ઇમ્તીયાઝ યુનુસભાઇ અજમેરી પીંજારા તથા અજાણ્યા પાંચ ઇસમો વિરૂધ્ધ આઇપીસી કલમ ૪૦૬,૧૧૪ મુજબનો ગુનો નોંધવામાં આવેલ છે.

મોરબી જીલ્લામાં છેલ્લા ઘણા સમયથી લોકોને અમેરીકન ડોલર તથા સોનાના બીસ્કીટ સસ્તા ભાવે આપવાની લાલચ આપી વિશ્વાસઘાત છેતરપીંડી આ ગેંગ દ્વારા કરવામાં આવી રહી હતી અને આ ગેંગના ત્રણ સભ્યોને પકડી પાડવામાં મોરબી એલસીબી અને એસઓજીના સ્ટાફેને સફળતા મળેલ છે હાલમાં હાસમભાઇ કરીમભાઇ મૌવર જાતે મિયાણા રહે. વીસીપરા નુરી પાન પાસે મોરબી, મુકેશભાઇ ઉર્ફે લાલો ખેંગારભાઇ રાણવા રહે. ઇન્દીરાનગર વિપુલનગર મોરબી અને ઇમ્તીયાઝ યુનુસભાઇ અજમેરી જાતે પીંજારા રહે. કાંતીનગર મસ્જીદ વાળાની ધરપકડ કરવાં આવી છે અને અનવરભાઇ બચુભાઇ જામ રહે. વીસીપરા વિજયનગર મદિના સોસાયટીની બાજુમાં મોરબી, સાજીદ મૌવર રહે. ટાવર પાસે મીયાણા વાડ સુરેન્દ્રનગર, સલીમભાઇ રહે. વઢવાણ, શબ્બીર જામનમામદ રહે. વીસીપરા મદિના સોસાયટી મોરબી મુળ રહે.જામનગર અને મહેબુબભાઇ રહે. અંજાર વાળાને પકડવા માટે પોલીસે ચક્રોગતિમાન કરેલ છ