માળીયા-જામનગર રોડે કારમાંથી 400 લિટર દારૂ ઝડપાયો, 3.80 લાખનો મુદામાલ કબજે: આરોપી ફરાર
SHARE
JOIN OUR GROUP
માળીયા-જામનગર રોડે કારમાંથી 400 લિટર દારૂ ઝડપાયો, 3.80 લાખનો મુદામાલ કબજે: આરોપી ફરાર
માળીયા-જામનગર હાઇવે રોડ ઉપર આવેલ માળીયા રેલ્વે ફાટક પાસેથી કાર પસાર થઈ રહી હતી જેને એલસીબીની ટીમે રોકી હતી ત્યારે પોલીસ ગાડી પાસે પહોચી ત્યાં આરોપી તેની કારને છોડીને નાસી ગયો હતો જેથી પોલીસે ગાડીને ચેક કરી હતી ત્યારે ગાડીમાંથી 400 લિટર દેશી દારૂ મળી આવ્યો હતો જેથી કરીને પોલીસે 80 હજારનો દારૂ તેમજ કાર મળીને 3.80 લાખનો મુદામાલ કબજે કરેલ છે.
મોરબી જિલ્લા એલ.સી.બી./ પેરોલ ફર્લો સ્ટાફના ઇશ્વરભાઇ કલોતરા અને ભરતભાઇ જીલરીયાન માળીયા (મિં) તાલુકા વિસ્તારમાં પેટ્રોલીંગમાં હતા તે દરમિયાન માળીયા-જામનગર હાઇવે રોડ માળીયા રેલ્વે ફાટક પાસે આવતા સામેથી એક ફોર વ્હીલ ગાડી આવતી હતી અને તે ગાડી દેખીતી રીતે શંકાસ્પદ જણાતી હતી જેથી કરીને ગાડીના ચાલકને હાથનો ઇશારો કરીને ગાડી ઉભી રાખવા કહ્યું હતું જેથી કરીને કારના ચાલકે તેની કારને રોડની સાઇડે ઉભી રાખેલ હતી અને પોલીસ તેની પાસે ગયેલ હતી અને કારના ચાલકને પોલીસ હોવાની શંકા જતા તે પોતાના હવાલા વાળી કારને ત્યાં જ છોડીને નાશી ગયેલ હતો જેથી તે કારને ચેક કરી હતી ત્યારે કાર નંબર જીજી 3 જીએલ 0392 માંથી 400 લિટર દેશી દારૂનો જથ્થો મળી આવ્યો હતો જેથી પોલીસે 80 હજારનો દારૂ અને ત્રણ લાખની કાર આમ કુલ મળીને 3.80 લાખના મુદામાલને કબજે કર્યો છે અને કાર તેમજ દારૂનો જથ્થો છોડીને નાસી ગયેલા કારના ચાલક સામે માળીયા (મિં) તાલુકા પોલીસ સ્ટેશનમાં ગુનો નોંધીને આરોપીને પકડવા માટે તજવીજ શરૂ કરી છે.
