મોરબી મ.ન.પા.ની યુસીડી શાખા માનવ કલ્યાણ યોજના અંતર્ગય એક દિવસીય કેમ્પનું આયોજન

મોરબી મ.ન.પા.ની યુસીડી શાખા તથા માનવ સેવા એજ પ્રભુસેવા સંસ્થા દ્વારા માનવ કલ્યાણ યોજના અંતર્ગય એક દિવસીય કેમ્પનું આયોજન કરવામાં આવ્યું છે

મોરબી મહાનગરપાલિકાની યુ.સી.ડી. શાખા તથા માનવ સેવા એજ પ્રભુ સેવા સંસ્થાનના સંયુક્ત સહયોગ દ્વારા મોરબી શહેરી વિસ્તારના લાભાર્થીઓ માટે તા.૧૪/૦૫/૨૦૨૫ના રોજ એક દિવસીય કેમ્પનું આયોજન કરવામાં આવશે. આ આયોજનાનો લાભ શહેરી વિસ્તારના જેવા કે, દૂધ/ દહીં વેચનાર, બ્યુટીપાર્લર, ભરતકામ, વાહન સર્વિસ કરનાર, પ્લમ્બર કામ કરનાર, સેન્ટીંગ કામ કરનાર, ઇલેક્ટ્રિક રીપેરીંગ કરનાર, અથાણા/પાપડ બનાવનાર, પંચર કામ કરનાર, વગેરે જેવા કામ કરતા કારીગરો લઇ શકશે. અરજી સાથે જરૂરી આધારો જેવાકે, આધારકાર્ડ, રેશનકાર્ડ, જાતિ અને આવકનો દાખલો, પાસ પોર્ટ ફોટા, આધાર સાથે લીંક મોબાઈલ તથા અરજદારનું એકરારનામું, સ્થળ:- મોરબી મહાપાલિકાની યુ.સી.ડી. શાખા, સહયોગ કોમ્પ્લેક્ષ, ખારા કુવા શેરી, જુના બસ સ્ટેન્ડ પાસે, સરદાર રોડ ફોનનં. ૦૨૮૨૨-૨૨૦૨૩૫ ઉપર સંપર્ક કરવા અનુરોધ કરેલ છે.