વાંકાનેરના કેરાળા નજીક રોડ ક્રોસ કરીને ચા પીવા જતાં યુવાનને કાર ચાલકે ઉડાવતા માથામાં હેમરેજ

વાંકાનેરના કેરાળા ગામના પાટીયા પાસે ટ્રક ચાલકે પોતાનો ટ્રક ઉભો રાખ્યો હતો અને ચા પાણી પીવા માટે રોડ ક્રોસ કરીને જતો હતો ત્યારે વાંકાનેર બાઉન્ડ્રી તરફથી આવતી ફોરવ્હીલ ગાડીના ચાલકે યુવાનને હડફેટે લેતા તેને જમણા પગમાં ફેક્ચર અને માથામાં હેમરેજ જેવી ગંભીર ઈજા થયેલ હતી અને આરોપી પોતાની કાર લઈને સ્થળ ઉપરથી નાસી ગયેલ છે જો કે, હાલમાં ભોગ બનેલ યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી પ્રમાણે મોરબીના નવલખી રોડ ઉપર આવેલી યમુનાનગરમાં રહેતા સતિષભાઈ બચુભાઈ બાવળા (37)એ કાર નંબર જીજે 36 એસી 5457 ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે વાંકાનેરના કેરાળા ગામના પાટીયા પાસેથી તેઓ પોતાનો ટ્રક લઈને મોરબીથી સુરત બાજુ જતાં હતા ત્યારે કેરાળા ગામ પાસે તેઓએ રોડ સાઈડમાં પોતાનો ટ્રક ઉભો રાખ્યો હતો અને ચા પાણી પીવા માટે રોડ ક્રોસ કરીને જતા હતા ત્યારે વાંકાનેર બાઉન્ડ્રી તરફથી આવતી ફોરવ્હીલના ચાલકે ફરિયાદીને હડફેટે લેતા અકસ્માત થયો હતો જે બનાવમાં ફરિયાદીને જમણા પગમાં ફેક્ચર અને માથામાં હેમરેજ જેવી ગંભીર ઈજા થઈ હતી અને અકસ્માત સર્જીને કાર ચાલક તેનું વાહન લઈને સ્થળ ઉપરથી નાસી ગયેલ છે જેથી આ બનાવ સંદર્ભે સારવાર લીધા બાદ ભોગ બનેલા યુવાને નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.

વાહન અકસ્માતમાં ઇજા

મોરબી કાલિકા પ્લોટ વિસ્તારમાં રહેતા પરિવારની રીધી ભરતભાઈ વડેચા નામની 18 વર્ષની યુવતી પંચાસર ચોકડી રાજકોટ હાઇવે પાસે બાઇકમાં જતી હતી ત્યારે અકસ્માતના બનાવમાં ઇજા થવાથી તેને સારવાર માટે ખસેડાઈ હતી

મારામારીમા ઈજા થતા સારવારમાં

મોરબીના સામાકાંઠે સોઓરડી પાછળ ચામુંડાનગર વિસ્તારમાં રહેતા ભીમભાઈ અમરતભાઈ સાગઠીયા નામના 35 વર્ષના યુવાનને ઘરે મારામારીના બનાવમાં ઈજા થતા 108 મારફતે સિવિલે સારવાર માટે લઈને આવ્યા હતા અને આ બનાવની પોલીસને જાણ કરેલ છે.