મોરબીની સાત હનુમાન સોસાયટીના મકાનમાથી ૩૧૦ ગ્રામ અફીણ સાથે બે શખ્સ પકડાયા

મોરબીના લીલપર રોડ ઉપર આવેલ સાત હનુમાન સોસાયટીમાં રહેતા શખ્સ દ્વારા અફીણનું વેચાણ કરવામાં આવતું હોવાની એસઓજીની ટીમને બાતમી મળી હતી જેના આધારે ત્યાં રેડ કરવામાં આવી હતી ત્યારે ઘરમાં અફીણ રાખીને માલ વેચનાર તેમજ મ અલ લેવા માટે આવેલ શખ્સ મળી આવ્યા હતા જેથી પોલીસે ૩૧૦ ગ્રામ અફીણ સાથે બંનેની ધરપકડ કરીને એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી કરેલ છે

મોરબી જીલ્લામાં એન.ડી.પી.એસ.ના કેસો શોધવા માટે એસપી દ્વારા સુચના આપવામાં આવી હતી જેથી કરીને મોરબી એસ.ઓ.જી. પોલીસ ઇન્સ્પેકટર જે.એમ.આલ તથા સ્ટાફ દ્વારા મોરબી જિલ્લામાં ગેરકાયદેસર કેફી પદાર્થનુ વેચાણ કરતા ઇસમો શોધી કાઢવા કામગીરી કરવામાં આવી રહી હતી તેવામાં એસ.ઓ.જી.ના મહાવીરસિંહ અનિરૂધ્ધસિંહ પરમારને મળેલ હકીકત આધારે લાખુભા મહોબતસિંહ ઝાલાના ઘરમાં અફીણનો જથ્થો છે જેથી કરીને લાખુભા મહોબતસિંહ ઝાલા જાતે ક્ષત્રિય (ઉ.૬૦) રહે. લીલાપર રોડ, સાત હનુમાન સોસાયટી બ્લોક નં.૮૪ વાળાના ઘરે રેડ કરી હતી ત્યારે ઘરમાથી મકાન માલિક તેમજ અફીણ લેવા માટે આવેલ ભૈરોબક્સ રાજકુમાર ગરવાલ જાતે રજપુત (ઉ.૬૭) રહે.૬૧-ક, ચકડીહા ગામ પોસ્ટ ભારતગંજ થાનામાં માણ્ડા (ઉત્તરપ્રદેશ) હાલ રહે. મોરબી કાલીકા પ્લોટ ગુરુદ્વાર રામસીંગ સરદારજીના મકાનમાં વાળાઓ મળી આવ્યા હતા જુથી પોલીસે તેની પાસેથી ૩૧૦ ગ્રામ અફીણ જેની કિંમત ૩૧,૦૦૦ તથા બન્ને આરોપીઓ પાસેથી રોકડા રૂપિયા ૧૦,૧૬૦ અને બે મોબાઇલ આમ કુલ મળીને ૪૬,૬૬૦ ના મુદામાલ સાથે બંને આરોપીની ધરપકડ કરી હતી અને એન.ડી.પી.એસ. એકટ ૮ (સી), ૧૮(સી), ૨૯ હેઠળ કાર્યવાહી હાથ ધરી મોરબી સીટી એ ડીવીઝન પોલીસ સ્ટેશને ગુન્હો દાખલ કરી આગળની તપાસ માળીયાના પીએસઆઈ ચુડાસમાને સોપવામાં આવી છે આ કામગીરીમાં એસ.ઓ.જી. પીઆઇ જે.એમ.આલ, રણજીતભાઇ બાવડા, રસિકભાઇ કડીવાર, સબળસિંહ સોલંકી, માહાવીરસિંહ પરમાર, મુકેશભાઇ જોગરાજીયા, સતિષભાઇ ગરચર, પ્રિયંકાબેન પૈજા, સંદિપભાઇ માવલા અને એ ડીવીઝ્નના ચકુભાઇ દેવશીભાઇ કરોતરા દ્વારા કરવામાં આવી હતી