મોરબી નજીક કારખાનામાં રહેતી યુવતીએ શરીરે પેટ્રોલ છાંટીને કાંડી ચાંપી લેતા ગંભીર હાલતમાં સારવાર હેઠળ

મોરબીના બેલા રોડ ઉપર આવેલ કારખાનામાં રહેતા પરિવારની યુવતીએ કોઈ કારણસર પોતાના શરીર ઉપર પેટ્રોલ છાંટીને કાંડી ચાપી લીધી હતી અને આપઘાત કરવાનો પ્રયાસ કર્યો હતો જેથી કરીને તે દાઝી ગયેલ હોવાથી તેણે તાત્કાલિક સારવાર માટે હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી.

બનાવી જાણવા મળતી માહિતી મુજબ મોરબીના બેલા રોડ ઉપર આવેલ વેલોક્ષ કંપનીના લેબર કવાર્ટરમાં રહેતા મજૂરી કામ કરતાં પરિવારની શબનમ સલીમઅલી (18) નામની યુવતીએ કોઈ અગમ્ય કારણોસર પોતે પોતાના શરીર ઉપર પેટ્રોલ છાંટીને આપઘાત કરવા માટે થઈને કાંડી ચાપી લીધી હતી જેથી દાજી જવાના કારણે તેને સારવાર માટે હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની પ્રાથમિક તપાસ એન.એમ. મકવાણા દ્વારા કરવામાં આવી હતી.

આધેડ મહિલા સારવારમાં
મોરબીના સામાકાંઠે સોઓરડી વિસ્તારમાં રહેતા રજીયાબેન યાકુબભાઈ પલેજા નામના ૫૬ વર્ષના મહિલાને તેઓના ઘરે મારામારીના બનાવમાં ઈજા થતા સારવાર માટે સિવિલે લાવવામાં આવ્યા હતા.જ્યારે મોરબી તાલુકાના કોયલી ગામે રહેતા પરિવારનો જય અરવિંદભાઈ પંચાસરા નામનો આઠ વર્ષનો બાળક સાયકલમાં જતો હતો.ત્યારે પડી જતા ઈજા પામતા અહીંની સાગર ઓર્થોપેડિક હોસ્પિટલે લાવવામાં આવ્યો હતો.તેમજ કચ્છના જંગી વિસ્તારમાં રહેતા પરિવારની સપનાબેન હરખાભાઈ કોળી નામની ૧૪ વર્ષની સગીરા બાઇકની પાછળ બેસીને જતી હતી ત્યારે તેમના ગામ પાસે બાઈક સ્લીપ થતા ઇજા પામતા અત્રેની આયુષ હોસ્પિટલે સારવાર માટે લાવવામાં આવી હતી.