મોરબીમાં અહલ્યાબાઈ હોલકરજીની જન્મ જયંતી નિમિત્તે બાઈક રેલી યોજાઇ
Morbi Today
વાંકાનેરની કોર્ટે કરેલા આદેશની અવગણના કરનારા શખ્સ સામે ગુનો નોંધાયો
SHARE
JOIN OUR GROUP
વાંકાનેરની કોર્ટે કરેલા આદેશની અવગણના કરનારા શખ્સ સામે ગુનો નોંધાયો
વાંકાનેરની પ્રિન્સિપલ સિનિયર સિવિલ કોર્ટમાં ફોજદારી કેસ દાખલ થયો હતો જેમાં આરોપીને હાજર થવા માટે થઈને કોર્ટ દ્વારા ફરમાન કરવામાં આવ્યું હતું અને તેના પત્રની બજવણી પણ આરોપીને કરી દેવામાં આવી હતી તેમ છતાં પણ આરોપીએ કોર્ટના હુકમની અવગણના કરી હતી જેથી કોર્ટના કર્મચારી દ્વારા હાલમાં વાંકાનેર સીટી પોલીસ સ્ટેશન ખાતે ફરિયાદ નોંધાવવામાં આવતા પોલીસે કોર્ટમાં હાજર ન રહેલા શખ્સની સામે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત મુજબ રાજકોટ રોડ ગોકુલ નગરની બાજુમાં વૃંદાવન પાર્ક સોસાયટીમાં રહેતા અને વાંકાનેરમાં આવેલ પ્રિન્સિપલ સિનિયર સિવિલ કોર્ટમાં ફરજ બજાવતા જયદેવસિંહ બચુભા ઝાલા (45) એ વાંકાનેર સિટી પોલીસ સ્ટેશન ખાતે ગુજરાત સીડ્સ એન્ડ ફર્ટિલાઇઝરના જવાબદાર વ્યક્તિ નરેશકુમાર ધુલાબભાઈ પટેલ રહે. રણછોડપુરા ચોકડી અગલોડ રોડ દેવપુરા તાલુકો વિજાપુર જીલ્લો મહેસાણા વાળા ની સામે ફરિયાદ નોંધાવેલ છે જેમાં જણાવ્યું છે કે આરોપી વિરુદ્ધ પ્રિન્સિપલ સિનિયર સિવિલ કોર્ટમાં ફોજદારી કેસ નંબર 1016/2019 ધ નેગોસીએબલ ઇન્સ્ટ્રુમેન્ટ એક્ટની કલમ 138 મુજબ ફરિયાદ થયેલ હોય જેમાં આરોપીને હાજર રહેવા માટે થઈને કોર્ટ દ્વારા ફરમાન કરવામાં આવ્યું હતું અને તેના પત્રની બજવણી પણ આરોપીને કરી દેવામાં આવી હતી તેમ છતાં આરોપી કોર્ટના નિર્દેશ કરેલા સ્થળ અને સમયે હાજર ન રહીને કોર્ટના હુકમની અવગણના કરેલ છે જેથી કરીને કોર્ટના કર્મચારી દ્વારા નોંધાવવામાં આવેલ ફરિયાદ આધારે પોલીસે બીએનએસની કલમ 209 મુજબ ગુનો નોંધીને આરોપીને પકડવા માટે તજવીજ શરૂ કરી છે
