મોરબીના શનાળા રોડ હાઉસિંગ બોર્ડમાં જર્જરિત ઈલેક્ટ્રીક થાંભલો બદલવાની કોંગ્રેસની માંગ

મોરબીના શનાળા રોડ હાઉસિંગ બોર્ડમાં ઈલેક્ટ્રીકનો થાંભલો જર્જરિત છે જે ગમે ત્યારે લોકો માટે જોખમી સાબિત થાય તેવી શક્યતા છે જેથી તેને બદલાવવા માટેની મોરબી શહેર કોંગ્રેસનાં મહામંત્રીએ વીજ કંપનીના ઇજનેરને રજૂઆત કરેલ છે. 

મોરબી શહેર કોંગ્રેસ સંગઠન મંત્રી સુરપાલસિંહ. એસ. જાડેજાએ પી.જી.વી.સી.એલ.ના ડેપ્યુટી ઇજનેરને લેખિતમાં રજૂઆત કરેલ છે જેમાં જણાવ્યુ છે કે, મોરબીના વોર્ડ નં. 9માં આવતા શનાળા રોડ, ન્યુ ગુજરાત હાઉસિંગ બોર્ડ, એલ-543 ની બાજુમાં  ઈલેક્ટ્રીકનો થાંભલો આવેલ છે જે જર્જરીત અવસ્થામાં છે આ થાંભલો ગમે ત્યારે નિર્દોષ વ્યક્તિ માટે જોખમી સાબિત થાય તેવી શક્યતા છે. જેથી કરીને ચોમાસા પહેલા થાંભલો તાત્કાલિક બદલાવવામાં આવે તેવી માંગ કરેલ છે. અને આવી જ રીતે મોરબીમાં જે કોઈ પણ જગ્યાએ જોખમી થાંભલા આવેલ હોય તે બદલાવવામાં આવે તેવી પણ રજૂઆત કરેલ છે.