મોરબી અર્બન ડેવલપમેન્ટ ઓથોરિટી રચના કરવા ધારાસભ્યએ કરેલી રજૂઆત ફળી

મોરબી શહેર અને આસપાસના ગામનો આયોજન પૂર્વકનો વિકાસ થાય તેના મોરબી અર્બન ડેવલપમેન્ટ ઓથોરિટીની રચના કરવા માટે મોરબીના ધારાસભ્ય દ્વારા રજૂઆત કરવામાં આવી હતી જેને ધ્યાને રાખીને સરકારે અર્બન ડેવલપમેન્ટ ઓથોરિટીની રચના કરેલ છે જેથી મોરબી અને આસપાસના ગામને આગામી સમયમાં ખુબજ લાભ મળશે.

મોરબીના ધારાસભ્ય કાંતિભાઈ અમૃતિયાએ ગત એપ્રિલ માહિનામાં રાજયના મુખ્યમંત્રી ભુપેન્દ્રભાઈ પટેલને મોરબી શહેર અને આસપાસના સુનિયોજીત વિકાસ માટે મનપામાં આવેલ ગામડા અને આજુબાજુના ગામનો સમાવેશ કરીને મોરબી અર્બન ડેવલોપમેન્ટ ઓથોરિટીની રચના કરવામાં આવે તે જરૂરી છે. જે રજૂઆતને ધ્યાને લઈને સરકારે મોરબી-વાંકાનેર અર્બન ડેવલોપમેન્ટ ઓથોરિટીની રચના કરી છે. અને ગુજરાત સરકારના શહેરી વિકાસ વિભાગ દ્વારા ગત 23 જૂનના રોજ તે અંગેનું નોટિફિકેશન પ્રસિદ્ધ કરવામાં આવ્યું છે અને આ મોરબી-વાંકાનેર અર્બન ડેવલપમેન્ટ ઓથોરિટીની રચના થવાથી મોરબી અને આજુબાજુના ગામોમાં આગામી દિવસોમાં ખુબજ વિકાસ થશે તેમાં શંકાને કોઈ સ્થાન નથી.