ટંકારાના લજાઈ ગામે ભાગમાં લીધેલ સમાનમાંથી બે પાટિયા માંગતા યુવાનને માર પડ્યો

ટંકારાના લજાઈ ગામે રહેતા યુવાને ભાગમાં બાંધકામનો સામાન લીધો હતો જેમાંથી બે લાકડાના પાટીયા યુવાને પાછા માંગતા સામેવાળાએ તેને ગાળો આપીને ઢીકાપાટુનો મારમાર્યો હતો તેમજ જાનથી મારી નાખવાની ધમકી આપી હતી જેથી ભોગ બનેલ યુવાને ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે આરોપીને પકડવા માટે તજવીજ શરૂ કરેલ છે.

જાણવા મળતી માહિતી પ્રમાણે ટંકારાના લજાઈ ગામે સ્મશાન નજીક પાણીના ટાંકા પાસે રહેતા કિશોરભાઈ જીવાભાઇ ચાવડા (45)એ ટંકારા તાલુકા પોલીસ સ્ટેશન ખાતે બાબુભાઈ મોહનભાઈ સારલા રહે. લજાઈ વાળા સામે ફરિયાદ નોંધાવેલ છે જેમાં જણાવ્યું છે કે, તેણે અને આરોપીએ મકાન બાંધકામનો સર સામાન સંયુક્તમાં લીધો હતો. તેમાંથી બે લાકડાના પાટીયા ફરિયાદીએ પાછા માંગ્યા હતા જે આરોપીને સારું લાગ્યું ન હતું અને આરોપીએ ફરિયાદીને ગાળો આપીને ઢીકાપાટુનો મારમાર્યો હતો તથા જાનથી મારી નાખવાની ધમકી આપેલ હતી જેથી કરીને ભોગ બનેલ યુવાન દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવેલ છે જેના આધારે પોલીસ આરોપીને પકડવા માટે તજવીજ શરૂ કરી છે.