મોરબીના લુંટાવદર નજીક બાઈકને બુલેટ ચાલકે હડફેટે લેતા ઇજાગ્રત વૃદ્ધને રાજકોટ ખસેડાયા
Morbi Today
મોરબીમાં મારા પૈસા કેમ આપતો નથી કહીને યુવાન ઉપર હુમલો
SHARE
JOIN OUR GROUP
મોરબીમાં મારા પૈસા કેમ આપતો નથી કહીને યુવાન ઉપર હુમલો
મોરબીમાં નાની વાવડી ગામે રહેતા યુવાન ઉપર એક ઇસમે "મારા પૈસા કેમ આપતો નથી..?" તેમ કહીને બોલાચાલી કર્યા બાદ ઢીકાપાટુ વડે તેમજ લાકડાના બડીકા વડે હુમલો કર્યો હતો જે અંગે ફરિયાદ નોંધાવાતા પોલીસે તપાસ હાથ ધરી છે.
મોરબી સીટી એ ડિવિઝન પોલીસ સૂત્રોમાંથી મળતી માહિતી મુજબ મોરબીના વાવડી ગામે મારૂતિનગર શેરી નંબર-૨ માં રહેતો રાકેશ મિલનભાઈ રામાવત નામનો ૩૪ વર્ષીય યુવાન જતો હતો ત્યાતે તેને મોરબીના વાઘપરા મેઈન રોડ ઉપર રહેતા દિપક રાજુભાઈ બુધ્ધદેવ નામના ઈસમે અટકાવીને "મારા પૈસા કેમ આપતો નથી..?" તેમ કહીને બોલાચાલી ઝઘડો કર્યો હતો અને બાદમાં ઢીકાપાટુ વડે તેમજ લાકડાના બડીકા વડે રાકેશ રામાવતને માર મારવામાં આવ્યો હતો જેથી સારવાર લીધા બાદ રાકેશ રામાવતે દિપક બુધ્ધદેવ વિરૂદ્ધ ફરિયાદ નોંધાવતા એ ડિવિજન પોલીસે બનાવ અંગે આગળની તપાસ હાથ ધરી છે.
વાહન અકસ્માતમાં ઈજા
હળવદ તાલુકાના ચિત્રોડી ગામે રહેતો લાલજી રાજેશભાઈ ડાભી નામનો ૨૬ વર્ષીય યુવાન બાઈક લઈને જતો હતો ત્યારે રસ્તામાં બાઈક સ્લીપ થતા ઇજાગ્રસ્ત લાલજીભાઈને અત્રે આયુષ હોસ્પિટલે લાવવામાં આવ્યો હતો.જ્યારે મોરબીના કાલીકા પ્લોટ પાછળ આવેલ સાયન્ટીફીક રોડ નજીક રહેતા રહીમભાઈ વલીમામદ વીરમાણી (૩૧) નામના યુવાનને મારામારીના બનાવમાં ઈજા થતા તેને પણ સારવાર માટે સિવિલમાં ખસેડવામાં આવ્યો હતો.
વાહન અકસ્માતમાં ઈજા
ટંકારા નજીકના મોટા ખીજડીયા ગામે રહેતો અનિલ કેશવજીભાઇ વાસણીયા નામનો ૩૪ વર્ષીય યુવાન બાઈક લઈને જતો હતો ત્યારે રસ્તામાં બાઇક સ્લીપ થઇ જતા ઇજાગ્રસ્ત અનિલભાઈને સારવારમાં મોરબી ખસેડવામાં આવ્યો હતો. જ્યારે ધાંગધ્રાના કુડા ગામ પાસેના નિમકનગરમાં રહેતી ચોથીબેન પ્રવીણભાઈ જીંજરિયા નામની ૪૦ વર્ષીય મહિલા બાઈકમાં પાછળ બેસીને જતા હતા તે સમયે બાઇકમાંથી નીચે પડી જતાં તેમને સારવાર માટે અહીંની.આયુષ હોસ્પિટલે લાવવામાં આવી હતી.
