વાંકાનેર બાઉન્ડ્રી પાસેથી એલસીબીની ટીમે પાવડરની આડમાં લઈ જવાતો ૧૩૦ બોટલ દારૂ પકડ્યો
SHARE
JOIN OUR GROUP
વાંકાનેર બાઉન્ડ્રી પાસેથી એલસીબીની ટીમે પાવડરની આડમાં લઈ જવાતો ૧૩૦ બોટલ દારૂ પકડ્યો
મોરબી જિલ્લા એલસીબીની ટીમ ગઇકાલે વાંકાનેર બાઉન્ડ્રી પાસે વોચમાં હતી ત્યારે ટાટા ૧૧૦૯ વાહન ત્યાથી પસાર થઈ રહ્યું હતું તેને રોકીને ચેક કરવામાં આવતા વાહનમાં પાવડર અને સ્પેરપાર્ટ્સની આડમાં દારૂની હેરફેરી કરવામાં આવતી હોવાનું સામે આવ્યું હતું જેથી કરીને પોલીસે ૧૩૦ બોટલ દારૂ તેમજ માલસામાન મળીને ૧૩.૪૨ લાખથી વધુનો મુદ્દામાલ કબજે કરીને હાલમાં એક આરોપીની ધરપકડ કરેલ છે.
વાંકાનેર બાઉન્ડ્રી પાસે એલસીબીની ટીમ હતી ત્યારે પૃથ્વિરાજસિંહ જાડેજા તથા વિક્રમભાઇ કુગસીયાને બાતમી મળેલ કે, અમદાવાદ-રાજકોટ હાઇવે ઉપરથી દારૂ ભરેલ વાહન પસાર થવાનું છે જેથી કરીને પોલીસે ત્યાં વોચમાં હતી ત્યારે વાંકાનેર બાઉન્ડ્રી પાસેથી ટાટા ૧૧૦૯ વાહન નં. જીજે ૩ એઝેડ ૩૨૮૯ ત્યાથી પસાર ત્જતા તેને રોકીને ચેક કરવામાં આવ્યું હતું ત્યારે તે વાહનમાં પાવડરની થેલીઓ તથા સ્પેરપાર્ટની નીચે ભારતીય બનાવટની દારૂની બોટલનો જથ્થો રાખીને હેરફેરી કરવામાં આવી રહી હોવાનું સામે આવ્યું હતું જેથી પોલીસે વાહનમાથી ૧૩૦ બોટલ જુદીજુદી બ્રાંડનો દારૂ તેમજ અન્ય મુદામાલ મળીને ૧૩.૪૨ લાખથી વધુનો મુદામાલ કબજે કરીને રાજસ્થાનના પાટિયાપણા ગામના રહેવાસી ટ્રક ચાલક રાજુલાલજી નાનાલાલજી મીણા (ઉ.૨૯)ને પકડી પડેલ છે અને તેના સહિત માલ મોકલાવનાર અને મંગાવનાર સામે વાંકાનેર તાલુકા પોલીસ સ્ટેશનમાં ગુનો નોંધાવેલ છે
