ઘરમાં ગાંજાનું વાવેતર !: માળીયા (મી)ના સરવડ ગામે 3.350 કિલો ગાંજા સાથે એકની ધરપકડ
SHARE
JOIN OUR GROUP
ઘરમાં ગાંજાનું વાવેતર !: માળીયા (મી)ના સરવડ ગામે 3.350 કિલો ગાંજા સાથે એકની ધરપકડ
માળીયા મીયાણા તાલુકાના સરવડ ગામે સ્વામિનારાયણ મંદિર વાળી શેરીમાં રહેણાંક મકાનમાં ગાંજાનું વાવેતર કરવામાં આવ્યું હોવાની હકીકત મળી હતી જેના આધારે એસઓજીની ટીમે ત્યાં રેડ કરી હતી ત્યારે સ્થળ ઉપરથી ગાંજાના નાના મોટા લીલા 13 છોડ મળી આવ્યા હતા જેથી 3 કિલો 350 ગ્રામ ગાંજાના જથ્થાને પોલીસ દ્વારા કબજે કરવામાં આવ્યો હતો અને 33,500 રૂપિયાની કિંમતના મુદ્દામાલ સાથે આરોપીની ધરપકડ કરી માળિયા તાલુકા પોલીસ સ્ટેશન ખાતે એન.ડી.પી.એસ. એક્ટની કલમ હેઠળ ગુનો નોંધીને પોલીસ આગળની કાર્યવાહી હાથ ધરી છે.
જાણવા મળતી માહિતી મુજબ માળિયાના સરવડ ગામે સ્વામિનારાયણ મંદિર વાળી શેરીમાં રહેતા પ્રવીણભાઈ વિરમગામાના રહેણાંક મકાનમાં ગાંજાનું વાવેતર કરવામાં આવ્યું હોવાની માહિતી મળી હતી જેના આધારે એસઓજીની ટીમે ત્યારે રેડ કરી હતી ત્યારે સ્થળ ઉપરથી ગાંજાના નાના-મોટા 13 લીલા છોડ મળી આવ્યા હતા જેથી કરીને પોલીસે 3 કિલો 350 ગ્રામ ગાંજાના જથ્થા સાથે આરોપી પ્રવીણભાઈ મગનભાઈ વિરમગામા (49) રહે. સ્વામિનારાયણ મંદિર વાળી શેરી સરવડ તાલુકો માળીયા વાળની ધરપકડ કરી હતી અને તેની પાસેથી 33,500 ની કિંમતનો ગાંજાનો જથ્થો કબજે કરવામાં આવ્યો હતો અને માળિયા મીયાણા તાલુકા પોલીસ સ્ટેશન ખાતે એડીપીએસ એક્ટની કલમ હેઠળ ગુનો નોંધીને પોલીસ આગળની કાર્યવાહી હાથ ધરી છે અને અંગેની આગળની વધુ તપાસ માળીયા તાલુકા પોલીસ સ્ટેશનના પીઆઇ કે.કે.દરબાર ચલાવી રહ્યા છે
