વાંકાનેરના માટેલ રોડ ઉપર કારખાનાના કવાર્ટરમાં ગળાફાંસો ખાઈને યુવાને કર્યો આપઘાત

વાંકાનેરના ઢુવા માટેલ રોડ ઉપર આવેલ સીરામીક કારખાના લેબર કવાર્ટરમાં રહેતા અને સુપરવાઇઝર તરીકે કામ કરતા યુવાને કોઈ કારણોસર ગળાફાંસો ખાઈ લીધો હતો જેથી તેનું મોત નીપજયું હતું ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને આ બનાવની વાંકાનેર તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ મધ્યપ્રદેશના રહેવાસી અને હાલમાં વાંકાનેર તાલુકાના ઢુવા માટેલ રોડ ઉપર આવેલ રોલસ્ટાર સીરામીક કારખાનાના લેબર કવાર્ટરમાં રહેતા અને સુપરવાઇઝર તરીકે કામ કરતા મુલાયમસિંહ ઉત્તમસિંહ લોધી (27) નામનો યુવાન લેબર કવાર્ટરમાં હતો ત્યારે ત્યાં તેણે કોઈ પણ કારણોસર પોતે પોતાની જાતે ગળાફાંસો ખાઈ લીધો હતો જેથી તે યુવાનનું મોત નીપજ્યું હતું ત્યારબાદ તેના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ ગયા હતા અને આ બનાવની હોસ્પિટલ મારફતે વાંકાનેર તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી કરી હતી.

એસિડ પી લેતા સારવારમાં

રાજકોટમાં સાત હનુમાન પાસે રહેતા દેવાભાઈ રવજીભાઈ વાઘેલા (35) નામના યુવાને મોરબીમાં માળિયા ફાટક નજીક એસિડ પી લીધું હતું જેથી કરીને તેને તાત્કાલિક સારવાર માટે હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરતાં પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

અકસ્માતમાં ઇજા

હળવદના દેવળીયા ગામે રહેતા મંજુબેન શાયરભાઈ નાડીયા (40) નામના મહિલા ઘર પાસે હતા ત્યારે ત્યાં બાઇક ચાલાકે તેને હડફેટે લેતા મહિલાના પગનું કાંડુ ભાગી ગયું હતું જેથી કરીને તેને તાત્કાલિક સારવાર માટે શિવમ હોસ્પિટલે લઈને આવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.