વાંકાનેરના માટેલ રોડ ઉપર કારખાનાના કવાર્ટરમાં ગળાફાંસો ખાઈને યુવાને કર્યો આપઘાત
મોરબી નજીક કારખાનામાં બેભાન થઈ જતાં સારવારમાં ખસેડાયેલ સિક્યુરિટી ગાર્ડનું મોત
SHARE
મોરબી નજીક કારખાનામાં બેભાન થઈ જતાં સારવારમાં ખસેડાયેલ સિક્યુરિટી ગાર્ડનું મોત
મોરબી નજીકના ઘૂટું ગામની સીમમાં આવેલ સીરામીક કારખાનામાં સિક્યુરિટી ગાર્ડ તરીકે કામ કરતા આધેડ ફરજ ઉપર હતા ત્યારે આશરે દસેક વાગ્યાના અરસાના તે બેભાન થઈ જતા તેને 108 મારફતે સરકારી હોસ્પિટલ ખાતે લઈને આવ્યા હતા અને ત્યાં ચાલુ સારવાર દરમિયાન તેનું મોત નીપજ્યું હતું જેથી આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
મૂળ મધ્યપ્રદેશના રહેવાસી અને હાલમાં મોરબી નજીકના ઘૂટું ગામની સીમા આવેલ કોરલ ટાઇલ્સ યુનિટ-1 ની લેબર કોલોનીમાં રહેતા અને સિક્યુરિટી ગાર્ડ તરીકે કામ કરતા રાજુભાઈ રામમિલન વિશ્વકર્મા (50) નામના આધેડ તા. 24/11 ના રોજ રાત્રિના દસેક વાગ્યાના અરસામાં કામ ઉપર હતા દરમિયાન તે અચાનક બેભાન થઈ જતા તેને તાત્કાલિક 108 મારફતે સારવાર માટે સરકારી હોસ્પિટલ ખાતે લઈ ગયા હતા અને ત્યાં ચાલુ સારવાર દરમિયાન તેનું મોત નીપજયું હતું જેથી કરીને આ બનાવની પુષ્પાબેન શારદાપ્રસાદ વિશ્વકર્મા (61) રહે. મૂળ મધ્યપ્રદેશ વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
દેશી દારૂનો આથો ઝડપાયો
માળીયા મિયાણામાં આવેલ માલાની શેરીમાં રહેતા ફારૂક દિલાવર જેડાના કબજા વાળા મકાનની ઓરડીમાં દારૂની રેડ કરી હતી ત્યારે દેશી દારૂ બનાવવા માટે ઉપયોગમાં લેવામાં આવતો 400 લીટર આથો મળી આવ્યો હતો જેથી પોલીસે 10,000 રૂપિયાની કિંમતનો મુદ્દામાલ કબજે કર્યો હતો અને સ્થળ ઉપરથી આરોપી મોસીનભાઈ આદમભાઈ માલાણી (35) રહે. માલાણી શેરી માળિયા મીયાણા વાળાની ધરપકડ કરી હતી અને રેડ દરમિયાન બીજો આરોપી ત્યાં હાજર ન હોવાથી બે શખ્સોની સામે ગુનો નોંધી બીજા આરોપીને પકડવા માટે તજવીજ શરૂ કરેલ છે.