મોરબી જલારામ ધામ ખાતે ચગ પરિવારના સહયોગથી નેત્રમણી-નેત્રયજ્ઞ કેમ્પનું આયોજન
Morbi Today
મોરબીની ભારતી વિધાલય શાળામાં ભારતી સંકલ્પ દિવસ ઉજવાયો
SHARE
JOIN OUR GROUP
મોરબીની ભારતી વિધાલય શાળામાં ભારતી સંકલ્પ દિવસ ઉજવાયો
મોરબીમાં આવેલ ભારતી વિધાલય શાળામાં અંગ્રેજી વર્ષના પ્રથમ દિવસને Happy New Year ની જગ્યાએ ભારતી સંકલ્પ દિવસની ઉજવણી કરવામાં આવી હતી જેમાં શાળાના દરેક વિધાર્થી અને શિક્ષકોએ પોતાના જીવનના ઉચ્ચ સપનાને સાકાર કરવા માટે દ્રઢ સંકલ્પ લીધો અને તે સંકલ્પને પૂર્ણ કરવા માટે તે શું મહેનત કરશે ? તેની પણ લેખિત નોંધ કરેલ હતી. તેની સાથે સામૂહિક વિદ્યાર્થીઓએ સહિતના તમામે પોતાના માતા, પિતા અને ગુરુજી તેમજ વડીલોને હર હંમેશ આદર સત્કાર આપવા માટેનો સંકલ્પ કર્યો હતો અને એવું એક પણ કાર્ય નહીં કરે કે જેથી તેના કુળ, સમાજ કે દેશને લાંછન લાગે તેવો પણ સંકલ્પ કર્યો હતો. શાળાના સંચાલક કૌશલભાઈ મહેતાએ પશ્ચિમી દેશોના તહેવારનું અનુકરણ કરવા કરતાં આપણી અમૂલ્ય ભારતીય સંસ્કૃતિને ટકાવી રાખવા અને જાળવી રાખવા માટે દરેક વિધાર્થી અને શિક્ષકોને માહિતી આપેલ હતી અને શાળા પ્રમુખ હિતેશભાઇ મહેતાએ આપણી ભારતીય સંસ્કૃતિ વિદેશી સંસ્કૃતિથી શા માટે વધુ ચડિયાતી છે તેની સવિશેષ માહિતી આપેલ હતો અને વિદેશી સંસ્કૃતિ કરતાં ભારતીય સંસ્કૃતિ અપનાવવા માટે અપીલ કરી હતી આ કાર્યક્રમને સફળ બનાવવા માટે શાળાના શિક્ષકોએ ભારે જહેમત ઉઠાવી હતી.
