મોરબીનો સિરામિક ઉદ્યોગ બંધ થાય તો લાખો શ્રમિકોની રોજગારી સામે પ્રશ્નાર્થ, ઉદ્યોગકારોએ ઉધારમાં આપેલા માલના કરોડો રૂપિયા ફસાઈ તેવા સંકેત મોરબીના લાલપર ગામ પાસે યુવાન અને મકનસર ગામે યુવતીએ ગળાફાંસો ખાઈને કર્યો આપઘાત મોરબી નજીક જુદાજુદા બે કારખાનામાં કોઈ કારણોસર વૃદ્ધ અને યુવાનનું મોત માળીયા (મી)ની ભીમાસર ચોકડી પાસે જી.કે.હોટલના ગ્રાઉન્ડમાં હોળીની રાતે નાળિયેરની રમત રમતા યુવાન સહિતનાઓને છરી બતાવીને જાનથી મારી નાખવાની ધમકી: ત્રણ સામે ગુનો નોંધાયો માળીયા (મી)ના ચિખલી ગામ પાસે રેડ: 2800 લિટર આથો, 200 લિટર દેશી દારૂ અને બોલેરો સહિત 4.10 લાખનો મુદમાલ કબ્જે મોરબીના ઘુંટુ રોડ ઉપર ચિચોડામાં હાથ આવી જતા યુવાન રાજકોટ ખસેડાયો મોરબીમાં બ્લડ કેન્સરની બીમારીથી 7 વર્ષની બાળકીનું મોત હળવદમાં સરકારી સાયન્સ, આર્ટ્સ અને કોમર્સ કોલેજ શરૂ કરવા તપનભાઈ દવે કરી શિક્ષણ મંત્રીને કરી રજૂઆત
Breaking news
Morbi Today

મોરબીમાં લગ્નમાં જવા બાબતે તકરાર બાદ દંપતિ અને પુત્રીએ એક સાથે દવા પીધી


SHARE













મોરબીમાં લગ્નમાં જવા બાબતે તકરાર બાદ દંપતિ અને પુત્રીએ એક સાથે દવા પીધી

 

મોરબીના નવલખી રોડ ઉપર આવેલા રણછોડનગર વિસ્તારમાં સરદારજીના બંગલા પાસે રહેતા એક જ પરિવારના અસગર આમીનભાઇ મોવર (40), રૂબીનાબેન અસગરભાઇ મોવર (30) અને સુહાના અસગરભાઇ (14)એ સાંજના સાતેક વાગ્યાના અરસામાં ઝેરી દવા પી લેતા ત્રણેયને અત્રેની સિવિલે સારવાર માટે ખસેડાયા હતા.બનાવને પગલે બી-ડીવીઝન પોલીસ મથકના બી.કે. દેથાએ તપાસ હાથ ધરી હતી. જેમાં સામે આવ્યું હતું કે પરિવારને લગ્નમાં જવાનું હતું. જેમાં અસગરભાઇએ બધાએ નથી જવું તેમ કહ્યું હતું તે વાતમાં બોલાચાલી થયા બાદ દંપતિએ દવા પી લીધી હતી તેમ તપાસ અધિકારીએ જણાવેલ છે.

મારામારીમાં ઇજા
મોરબી-જેતપુર રોડ બેલા ગામ પાસેના કલેસ્ટોન સિરામીકની લેબર કોલોનીમાં સામસામે મારામારીમાં રવિનાબેન મહેશભાઇ મેડાને તેમજ સામેના પક્ષેથી રમણભાઇ ભાનુપ્રતાપ રાહા (24), રેખાબેન વિરેન્દ્રભાઇ (50) અને દિપક હરીરામ (34)ને ઇજાઓ થતાં ખાનગી હોસ્પીટલે સારવાર માટે ખસેડાયા હતા. જ્યારે નાની વાવડી ગામે રહેતા જયાબેન ભગવાનજીભાઇ પડસુંલીયા (75) પુત્રના બાઇક પાછળ બેસીને જતા હતા ત્યારે ગામના હનુમાન મંદિર પાસે વાહનમાંથી પડી જતા સારવાર માટે ખસેડાયા હતા.મોરબીના રેલ્વે સ્ટેશન નજીક થયેલ મારામારીમાં ઇજાઓ થતાં મોમીનખાન અબ્દુલ ખાલીદખાન (38), રહે. રણછોડનગર નવલખી રોડને ઇજાઓ થતાં સારવાર માટે લઇ જવાયો હતો.

વૃધ્ધા સારવારમાં
પંચાસર રોડ નાની કેનાલ પાસે રહેતા અમૃતબેન હંસરાજભાઇ આદ્રોજા (69) ત્યાં આવેલા પ્રમુખ સ્વામી પાર્કના ગેઇટ સામે બાઇક પાછળની નીચે પડી જતાં સારવારમાં ખસેડાયા હતા. જ્યારે માધાપરા શેરી નં.21માં રહેતા જયશ્રીબેન કિશોરભાઇ નકુમ (44) ઘર પાસે મેલડીમાના મંદિર નજીક બાઇકમાંથી પડી જતાં સારવારમાં ખસેડાયા હતા. નાની વાવડી ગામે સમજુબા સ્કૂલ પાસેની ધરમનગર સોસાયટીમાં રહેતા દયાબેન ગોકુલભાઇ લાંઘણોજા (94) નામના વૃધ્ધા સોસાયટી વિસ્તારમાં બાઇકની પાછળથી નીચે પડી જતાં સારવાર માટે દવાખાને ખસેડાયા હતા.

દવા પી જતાં
વાવડી રોડે રહેતા મુશ્કાનબેન રહીમભાઇ ચાનીયા નામની 20 વર્ષની યુવતી કોઇ કારણોસર દવા પી જતા અત્રેની નક્ષત્ર હોસ્પિટલે સારવાર માટે લઇ જવાઇ હતી. જ્યારે પંચાસર રોડ ગીતામીલની પાસે છરી વડે હાથ-માથામાં ઇજા થતાં કમલેશભાઇ સોનાગ્રા (30) રહે. ધ્રાંગધ્રાને અહીંની સીવીલે સારવાર માટે લઇ જવાયો હતો. જ્યારે વાવડી રોડ ક્રિષ્ના પાર્કમાં રહેતો ફૈઝલ ઇકબાલભાઇ સોલંકી (28) ઘર નજીક પગપાળા જતો હતો ત્યારે એક્ટીવા ચાલકે પાછળથી હડફેટે લેતા ફૈઝલને ઇજાગ્રસ્ત હાલતમાં સારવાર માટે લઇ જવાયો હતો.

આલાપ પાર્ક મધુવન એપાર્ટમેન્ટ નજીક સાયકલમાંથી પડી જતા ધ્યેય પરેશભાઇ થોરીયા (9)ને અને રવાપર ચોકડીએ બાઇક સ્લીપ થતાં પડી જતાં હંસાબેન જયેશભાઇ ઉધરેજા (53) રહે. સ્વામી નારાયણનગર મોરબીને સારવારમાં ખસેડાયા હતા






Latest News