હળવદના વેગડવાવ નજીક આખલાએ બાઇકને હડફેટે લેતા જીઆરડી જવાનનું મોત

હળવદ તાલુકામાં જીઆરડી જવાન તરીકે ફરજ બજાવતો યુવાન પોતાની ફરજ પૂરી કરીને રાત્રિના સમયે પોતાના ઘર તરફ માલણીયા ગામ તરફ જઈ રહ્યો હતો ત્યારે વેગડવાવ ગામ નજીક તેના બાઈકને આખલાએ હડફેટે લીધું હતું જેથી અકસ્માત સર્જાયો હતો જે બનાવમાં યુવાનને માથા અને શરીરે ઇજા થઈ હતી જેથી જીઆરડી જવાનનું મોત નીપજયું હતું અને આ બનાવની હળવદ તાલુકા પોલીસ સ્ટેશન ખાતે જાણ કરવામાં આવી હતી.

ગુજરાતમાં રસ્તા ઉપર રજડતા ઢોરના કારણે અવારનવાર નાના મોટા અકસ્માતો તથા જીવલેણ અકસ્માતો સર્જાતા હોય છે અને રજડતા ઢોર બાબતે હાઇકોર્ટ પણ અવારનવાર ટીપણીઓ કરે છે તેમ છતાં પણ તંત્ર દ્વારા નકકર કામગીરી કરવામાં આવતી નથી જેના કારણે અકસ્માતોની વણઝાર થંભવાનું નામ લેતી નથી તેવામાં મોરબી જિલ્લાના હળવદ તાલુકામાં જીઆરડી જવાન તરીકે ફરજ બજાવતો જયેશભાઈ દેવજીભાઈ પરમાર (28) નામનો યુવાન ગઈકાલે રાત્રિના સમયે પોતાની નોકરી પૂરી કરીને પોતાના ઘર તરફ જઈ રહ્યો હતો ત્યારે હળવદથી માલણીયા તરફ જવાના રસ્તા ઉપર આવેલ વેગડવાવ ગામ પાસે તેના બાઈકને આખલાએ હડફેટે લેતા અકસ્માતનો બનાવ બન્યો હતો જે બનાવમાં યુવાનને માથા અને શરીરે ગંભીર ઇજા થઈ હતી જેથી તે યુવાનનું મોત નીપજયું હતું અને ત્યાર બાદ તેના મૃત મૃતદેહને પીએમ માટે હોસ્પિટલે લઈ ગયા હતા અને ત્યારબાદ આ બનાવની હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.