મોરબીના આમરણ નજીક જાહેરમાં જુગાર રમતા પાંચ શખ્સોની 1,59,300 ની રોકડ સાથે ધરપકડ: એક ફરાર
SHARE
JOIN OUR GROUP
મોરબીના આમરણ નજીક જાહેરમાં જુગાર રમતા પાંચ શખ્સોની 1,59,300 ની રોકડ સાથે ધરપકડ: એક ફરાર
મોરબી તાલુકાના આમરણ ગામ પાસે આવેલ ચેકડેમ નજીક ખરાબાની જગ્યામાં બાવળની જાળીમાં જુગાર રમતા હોવાની ચોક્કસ હકીકત એલસીબીની ટીમ મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમી રહેલા શખ્સોમાં નાસભાગ મચી હતી. જોકે પોલીસે સ્થળ ઉપરથી પાંચ શખ્સોની 1,59,300 ની રોકડ સાથે ધરપકડ કરેલ છે અને એક શખ્સ નાસી ગયો હતો. હાલમાં છ શખ્સોની સામે તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.
મોરબી જિલ્લા એલસીબીની ટીમ પેટ્રોલિંગમાં હતી ત્યારે આમરણ જીવાપર રોડ ઉપર ચેકડેમ પાછળ ખરાબાની જગ્યામાં બાવળની જાળીમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર જુગાર રમી રહેલા શખ્સોમાં નાશભાગ મચી ગઈ હતી જો કે, પોલીસે સ્થળ ઉપરથી દેવદાનભાઈ મોમૈયાભાઈ કુંભારવાડીયા (62) રહે. રવાપર રોડ હરી ટાવરની બાજુમાં મોરબી, અસલમમિયા સુલતાનમિયા બુખારી (40) રહે. આમરણ, ધીરજભાઈ વાલજીભાઈ બોપલિયા (43) રહે. બેલા (આમરણ), પ્રવીણભાઈ રાઘવજીભાઈ લીખીયા (52) રહે.આમરણ (ડાયમંડ નગર) અને ગૌતમભાઈ અમૃતભાઈ લીખીયા (33) રહે. આમરણ વાળાની ધરપકડ કરી હતી અને તેની પાસેથી 1,59,300 ની રોકડ કબજે કરવામાં આવી હતી જોકે, પોલીસને જોઈને સ્થળ ઉપરથી નિઝામ ફારુકમિયા બુખારી રહે. આમરણ વાળો નાસી ગયેલ હોય હાલમાં મોરબી તાલુકા પોલીસ સ્ટેશન ખાતે છ શખ્સો સામે ગુનો નોંધાયો છે અને નાસી ગયેલા શખ્સને પકડવા માટે તજવી હાથ ધરી છે.
વરલી જુગારની 2 રેડ
માળીયા મીયાણા તાલુકાના સુલતાનપુર ગામના ઝાપા પાસે વરલી જુગારની રેડ કરવામાં આવી હતી ત્યારે ત્યાં સ્થળ ઉપરથી વરલી જુગારના આંકડા લેતા સુનિલભાઈ ભરતભાઈ ચાવડા (28) રહે જુના સુલતાનપુર વાળો મળી આવતા પોલીસે 700 ની રોકડ સાથે તેની ધરપકડ કરી હતી અને માળિયા તાલુકા પોલીસ સ્ટેશન ખાતે ગુનો નોંધાયો છે. આવી જ રીતે મોરબીમાં સોઓરડી વિસ્તારમાં આવેલ વરીયા મંદિર વાળી શેરીમાં વરલી જુગારની રેડ કરી હતી ત્યારે ત્યાં સ્થળ ઉપરથી વરલી જુગારના આંકડા લેતા મકસુદભાઈ મુસાભાઇ ચૌહાણ (37) રહે. સોઓરડી શેરી નં- 5 મોરબી વાળો મળી આવતા પોલીસે 1,000 ની રોકડ સાથે તેની ધરપકડ કરે છે અને બી ડિવિઝન પોલીસ સ્ટેશનમાં ગુનો નોંધાયો છે
એક બોટલ દારૂ સાથે પકડાયો
મોરબીના રવાપર ગામ નજીક આવેલ રવાપર રેસીડેન્સી પાસે ખોડીયાર સર્વિસ સેન્ટર બાજુમાંથી પસાર થઈ રહેલ બાઈક નંબર જીજે 3 ડીએ 2648 ને રોકીને બાઇક ચાલકને પોલીસે ચેક કર્યો હતો ત્યારે તેની પાસેથી દારૂની એક બોટલ મળી આવતા પોલીસે 696 ની કિંમતની દારૂની બોટલ તથા 25,000 ની કિંમતનું વાહન આમ કુલ મળીને 25,696 ની કિંમતનો મુદ્દામાલ કબજે કર્યો હતો અને આરોપી કલ્પેશભાઈ દેવકણભાઈ પરમાર (20) રહે. બોની પાર્ક પાછળ ખેંગડીની વાડી મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધાયો છે.
